नेकपा एमाले धमाधम उमेद्वार घोषणा गर्दै

0
70

झापा । नेकपा एमालेले स्थानीय तहको निर्वाचनका लागि झापाका अधिकांश नगरपालिका तथा गाउँपालिकाको प्रमुख तथा उपप्रमुख पदका उम्मेद्वारहरु चयन गरिसकेको छ ।

सुनसरीको इटहरीमा बसेको एमालेको प्रदेश कमिटीको बैठकले १० वटा नगरपालिका र ५ वटा गाउँपालिका रहेको झापाको दमक नगरपालिका, भद्रपुर नगरपालिका, अर्जुनधारा नगरपालिका, बुद्धशान्ति नगरपालिका, कमल नगरपालिका, केचनाकवल गाउँपालिका र झापा गाउँपालिकाका प्रमुख तथा उपप्रमुख पदका उम्मेद्वार चयन गरेको हो ।

दमक नगरपालिकाको प्रमुखमा रोमनाथ ओली , भद्रपुर नगरपालिकाको प्रमुखमा जीवन श्रेष्ठ र उपप्रमुखमा चन्द्रा श्रेष्ठ, बुद्धशान्ति नगरपालिको प्रमुखमा चिन्तन पाठक र उपप्रमुखमा मिरा भूर्तेल, अर्जुनधारा नगरपालिकाको प्रमुखमा हरि राना, उपप्रमुखमा कमला आचार्य, कमल नगरपालिकाको प्रमुखमा मेनुका काफ्ले चयन भएका छन् ।

त्यसैगरी, केचनाकवल गाउँपालिकाको अध्यक्षमा शेरबहादुर खत्री र उपाध्यक्षमा धनमाया दाहाललाई चयन गरिएको छ भने झापा गाउँपालिकाको अध्यक्षमा गजेन्द्र ताम्ली (लिम्बू) र उपाध्यक्षमा कुन्तीदेवी बुढाथोकीलाई चयन गरिएको छ ।

बाँकी रहेका नगरपालिका र गाउँपालिकाका प्रमुख उपप्रमुखको टुङ्गो लगाउनका लागि नेकपा एमालेको सचिवालयको बैठक इटहरीमा जारी छ । आजै बेलुकासम्म प्रदेश नम्बर १ का उम्मेद्वारको नाम सार्वजनिक गरिने नेकपा एमालेको उच्च स्रोतले जनाएको छ ।

नेकपा एमालेका प्रमुख पदका लागि उम्मेद्वारहरु

LEAVE A REPLY

Please enter your comment!
Please enter your name here