चिकित्सक तथा विद्यार्थी सहभागी र्‍यालीमा प्रहरी हस्तक्षेप, २५ बढी सहभागी प्रहरी नियन्त्रणमा

0
72

काठमाडौँ — प्रा.डा. गोविन्द केसीको अनसनका मागहरु तत्काल सम्बोधन गर्न प्रधानमन्त्रीलाई दबाब दिन शिक्षण अस्पताल महाराजगन्जबाट सुरु भई प्रधानमन्त्री निवास बालुवाटारसम्म जान लागेको विद्यार्थी र चिकित्सकहरु सम्मिलित बृहत् र्‍यालीमा प्रहरीले हस्तक्षेप गरेको छ ।

बिहीबार २७ औं दिनमा प्रवेश गरेसँगै उनको समर्थनमा विद्यार्थी तथा चिकित्सकहरुले र्‍याली आयोजना गरेका हुन्। उनीहरुको र्‍यालीलाई प्रहरीले सुरुमा शिक्षण अस्पतालको गेटमा नै रोक्ने प्रयास गरेको थियो। त्यहाँबाट बिस्तारै प्रहरी तालिम केन्द्रसम्म पुगेको र्‍यालीलाई प्रहरीले अगाडि बढ्न नदिएपछि विद्यार्थी र प्रहरीबीच ठेलमठेल भएको थियो।

विद्यार्थीहरुले अगाडि बढ्न पाउनुपर्ने माग गर्दै बाटो अवरुद्ध गरेपछि प्रहरीले लगभग २५ बढी र्‍यालीका सहभागीलाई नियन्त्रणमा लिएको छ। प्रहरी र र्‍यालीका सहभागीबीच अहिले पनि तालिम केन्द्र अगाडि ठेलमठेल भइरहेको छ।

प्रहरीले नियन्त्रणमा लिएको प्रदर्शनकारीलाई प्रदर्शनीमार्गस्थित नेपाल पुलिस क्लब पुर्‍याइएको छ।

LEAVE A REPLY

Please enter your comment!
Please enter your name here