एसिया कप क्वालिफायर भदौ ११ देखि मलेसियामा हुने

0
31

युएईमा हुने एसिया कप क्रिकेटका लागि आगामी भदौ ११ गतेदेखि मलेसियामा एसिया कप क्वालिफायर क्रिकेट प्रतियोगिता हुने भएको छ।

एसियन क्रिकेट काउन्सिल एसीसीका अनुसार एसिया कप भदौ ११ देखि २२ सम्म क्वालालाम्पुरमा हुने भएको हो।

एसिया कप-२०१८ को छनोटका रूपमा हेरिएको यो प्रतियोगितामा नेपालसहित टेष्ट नखेल्ने एसियाका उत्कृष्ट ६ राष्ट्रको सहभागिता हुनेछ।

जसमा नेपाल, युएई, हङकङ, सिंगापुर, ओमान र घरेलु टोली मलेसिया भिड्नेछन्।

राउण्ड रोविन लिगपछि प्रतियोगिताको विजेताले एसिया कप भदौ ३० देखि असोज १२ सम्म युएईको दुबई र अबुधाबीमा हुने भारत, पाकिस्तान, श्रीलंका, बंगलादेश र अफगानिस्तान सम्मिलित एसिया कप २०१८ खेल्न पाउनेछ।

छनोटको विजेताले एसिया कपको समूह चरणमा भारत र पाकिस्तानसँग खेल्नुपर्नेछ।

तपाईको प्रतिक्रिया: