पत्रकार उपचार कोषमा सहयोग जुटदै

0
69

बिर्तामोड | भद्रपुरस्थित नेपाल सामुदायिक विकास केन्द्र (एनसीडीसी)ले पत्रकार सहारा उपचार कोषका लागि एक लाख एक हजार एक सय ११ रुपैयाँ प्रदान गरेको छ ।

एनसीडीसीका संस्थापक अध्यक्ष रामप्रसाद ढुंगानाले उक्त रकमको चेक सोमबार पत्रकार महासंघ झापाका अध्यक्ष तारामणि सापकोटा र उपाध्यक्ष एवम् उपचार कोषका संयोजक एकराज गिरीलाई प्रदान गरे ।

पत्रकार महासंघले कल्याणकारी काम शुरु गरेकोमा खुशी व्यक्त गर्दै एनसीडीसीका संस्थापक अध्यक्ष ढुंगानाले आगामी दिनमा पनि सहयोग जारी राख्ने बताए । महासंघले थालेको अभियानबाट प्रेरित भई महासंघको तर्फबाट प्रस्ताव राख्नु अगावै एनसीडीसीले उक्त रकम प्रदान गरेको हो ।

पत्रकार महासंघ झापाले एक करोड रुपैयाँको कोष स्थापना गर्ने लक्ष्यका साथ अघि बढेको छ । संस्थाले मुलुक परिवर्तन र नागरिकलाई सूसुचित गर्ने कार्यमा अहोरात्र खटीने झापाली पत्रकारको हितमा स्थापित कोषमा सहयोग गरिदिन सबैमा आग्रह पनि गरेका छन् ।

कोषमा विभिन्न क्षेत्रबाट सहयोग प्राप्त हुनेक्रम जारी रहेको महासंघका सहसचिव तथा कोषका सदस्य सचिव केशव भट्टराईले जानकारी दिए ।

एनसीडीसीले रकम हस्तान्तरण गर्ने समारोहमा उक्त संस्थाका सदस्यहरु नवीनचन्द्र क्षेत्री, प्राणकृष्ण घोष, लेखापाल कला बस्नेत, पत्रकार महासंघ झापाका पूर्व अध्यक्ष चिन्तामणि दाहाल, सचिव सन्तोष आचार्य, कार्यसमिति सदस्य उत्तम नेपाल, निवर्तमान सल्लाहकार तीर्थ सिग्देल लगायतको उपस्थिति रहेको थियो ।

LEAVE A REPLY

Please enter your comment!
Please enter your name here