बाजुरामा सबैभन्दा बढी, भोजपुरमा सबैभन्दा कम मत खस्याेः निर्वाचन अायोग

0
89

काठमाडौं– स्थानीय तह निर्वाचन अन्तर्गत बुधबार भएको निर्वाचनमा सबै भन्दा बढी बाजुरा जिल्लामा खसेको छ ।

बाजुरामा ८० प्रतिशत मत खसेको निर्वाचन आयोगले जनाएको छ । सबैभन्दा कम मत भोजपुर जिल्लामा खसेको छ । आयोगले दिएको जानकारीअनुसार भोजपुरमा ६१ प्रतिशत मत खसेको छ ।

तीन वटै प्रदेशबाट भने ७० दशमलव ५ प्रतिशत मत खसेको निर्वाचन प्रमुख निर्वाचन आयुक्त अयोधिप्रसाद यादवले जानकारी दिए । निर्वाचन केही छिटफुट घटनाबाहेक शान्तिपूर्ण रुपमा सम्पन्न भएको र खसेको मत प्रतिशत अझै बढ्न सक्ने प्रमुख आयुक्त यादवले बताए ।

बुधबार सम्पन्न मतदानको रातीबाट नै गणना शुरु गरिने र पहिलो चरणमा भन्दा तीब्र मतगणना गरिने पनि आयोगले जनाएको छ ।

मतगणनाका क्रममा कुनै पनि घटना हुन नपाओस् भनी सावधानी अपनाउन र आवश्यक जनशक्तिका लागि मुख्य निर्वाचन अधिकृतहरुलाई निर्देशन दिइएको पनि प्रमुख आयुक्त यादवले जानकारी दिए । मतगणनास्थलमा भौतिक सुविधा र सुरक्षा आवश्यकताअनुसार गर्न निर्देशन दिइएको उनले बताए ।

LEAVE A REPLY

Please enter your comment!
Please enter your name here