इन्टरनेटको मूल्य घटाउन सरकारद्वारा समिति गठन, मूल्य समायोजन गर्न सेवा प्रदायक तयार

0
120

काठमाडाैँ । इन्टरनेटमा भएको मूल्यवृद्धिको चौतर्फी आलोचना भएका बेला सरकारले मूल्य समायोजन गर्न समिति गठन गरेको छ ।

अन्तर्राष्ट्रिय बजारमा इन्टरनेटको मूल्यमा आएको ह्रासकाबीच मूल्यबृद्धि भएको भन्दै सरकारको आलोचना सुरु भएको छ । सञ्चार तथा सूचना प्रविधि मन्त्रालयले इन्टरनेटको मूल्य निर्धारणका लागि एक समिति गठन गरेको हो । अन्तर्राष्ट्रिय बजारमा इन्टरनेटको मूल्यका आधारलाई टेकेर समितिले निर्धारण गर्ने छ । मन्त्रालयले जारी गरेको विज्ञप्तीका अनुसार समितिले मूल्य समायोजनका लागि लागत विश्लेषणका साथै नीतिगत तथा कानूनी उपाय खोज्नेछ ।

समितिमा सञ्चार तथा सूचना प्रबिधि मन्त्रालय, अर्थ मन्त्रालय, नेपाल दुरसञ्चार प्राधिकरण, नेपाल टेलिकम र इस्पानका प्रतिनिधि रहनेछन् । सेवा प्रदायकहरुले आफूले खरिद गरेभन्दा तीन गुणा महङ्गो मूल्यमा उपभोक्ताहरुलाई इन्टरनेट बिक्री गर्दै आएका थिए । आर्थिक बर्ष २०७५/०७६ को बजेट बक्तव्यमा बढेको करलाई आधार बनाउँदै इन्टरनेटको मूल्य बृद्धि गरेपछि मूल्य घटाउन सरकारले प्रयास थालेको थियो ।

त्यसैक्रममा मन्त्रालयले इन्टरनेट सेवा प्रदायक इस्पानका प्रतिनिधिलाई बोलाएर यसअघि दुई पटक मूल्य समायोजनका लागि आग्रह गर्दै आएको थियो । तर, उनीहरुले मूल्य घटाउन अस्वीकार गर्दै आएका थिए । समितिले ७ दिनभित्र प्रतिवेदन पेश गर्नेछ । समितिको प्रतिवेदन अनुसार इन्टरनेट मूल्य समायोजन हुनेछ ।

LEAVE A REPLY

Please enter your comment!
Please enter your name here