१२ भदौ, मेचीनगर : मेचीनगर नगरपालिकाले संघीय सरकारका भौतिक पूर्वाधार तथा यातायात मन्त्री देवेन्द्र दाहाल समक्ष नगरका विभिन्न सात वटा योजनासहितको माग पत्र प्रस्तुत गरेको छ । विहीबार गृह जिल्ला झापा भ्रमणका क्रममा नगरपालिकाको कार्यपालिका सभाकक्षमा आयोजित संक्षिप्त कार्यक्रममा ती योजना आवश्यक व्यवस्थापनका लागि पहल गरीदिन आग्रह गर्दै नगर प्रमुख गोपालचन्द्र बुढाथोकी उपप्रमुख मीना पोख्रेल उप्रेतीले संयुक्तरुपमा मन्त्री दाहाललाई हस्तान्तरण गरेका थिए ।
मागप्रति आफू ज्यार्दै सकरात्मक रहेको र आफ्नै मातहतको मन्त्रालय अन्तर्गतका माग सम्बोधनका लागि मन्त्री दाहालले कार्यक्रम स्थलमै मन्त्री दाहालको भ्रमण टोलीमा रहेका सडक विभागका महानिर्देशक डा विजय जैशी, एडीवी परियोजना प्रमुख चुडाराज ढकाल लगायतलाई मनत्री दाहालले निर्देशन दिए ।
विकास र समद्धिकालागि अहिलेको गठबन्धन सरकार : मन्त्री दाहाल
प्रेस चौतारी नेपाल, झापा शाखाका का उपाध्यक्ष राजु पोख्रेलको अध्यक्षतामा भएको कार्यक्रममा उनले देशमा केही भएन भन्नेहरुले नागरिकमा भ्रम छरेको दाबी गरे । त्यसअघि उनले सडक डिभिजन दमक परिसरमा निर्मित सडक आयोजना कार्यालयको उद्घाटन गरेका थिए ।
मन्त्री दाहालले काँकरभिट्टा–लौकही सडक योजना (पूर्वी खण्ड), दमक, झापाको नवनिर्मित कार्यालय भवनको उद्घाटन गरेका हुन् । मन्त्री दाहालले निर्धारित समयभित्रै सडक विस्तारको काम सम्पन्न गर्न निर्देशन दिए । योजना कार्यालयका प्रमुख सुनीलबाबु पन्तका अनुसार आयोजना सम्पन्न भए पछि सो भवन सडक डिभिजन कार्यालयलाई हस्तान्तरण हुने छ । आठ करोड सात लाख रुपैयाँको लागतमा भवन निर्माण सम्पन्न भएको हो । कार्यक्रमको सञ्चालन कोषाध्यक्ष सरोज भट्टराईले गरेका थिए ।
