२६ साउन, मेचीनगर : मुलुकभर पछिल्लो चौबिस घन्टाको अवधिमा ८१५ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रायका अनुसार बिहीबार ४ हजार ५३४ नमूना परीक्षण गर्दा ८१५ जनामा कोरोना संक्रमण पुष्टि भएको हो ।
जसमध्य २ हजार ४११ जनामा पीसीआर परीक्षण गर्दा ४६५ र २ हजार १२३ जनामा एन्टीजेन परीक्षण गर्दा ३५० जनामा संक्रमण पुष्टि भएको हो।
सोही अवधिमा ४७६ जना संक्रमणमुक्त भएका छन् । मन्त्रालयका अनुसार बिहीबार ५ जना संक्रमितको मृत्यु भएको छ ।
योसँगै नेपालमा कोरोना संक्रमितको कुल संख्या पीसीआरतर्फ ९ लाख ९२ हजार १४६ पुगेको छ भने एन्टीजेनतर्फ १ लाख ४६ हजार २९९ पुगेको छ । त्यस्तै निको हुनेको संख्या ९८ लाख ७२ हजार २०० पुगेको छ ।
हालसम्म ११ हजार ९८२ संक्रमितको मृत्यु भएको मन्त्रालयले जानकारी दिएको छ । हाल देशभर ५ हजार ८६९ सक्रिय संक्रमित रहेका छन् ।
