मेचीनगर, ६ फागुन | मेचीनगरमा विहीबार २ सय ८४ जनाले कोरोनाविरुद्दको खोप लगाएका छन् । दोस्रो चरण अन्तर्गत विहीबार मेचीनगरमा खोप लगाईएको हो ।
नगरपालिकाको स्वास्थ्य शाखाले दिएको जानकारी अनुसार नगरका जनप्रतिनिधि,सञ्चारकर्मी, सुरक्षाकर्मी, विभिन्न कार्यालयका कर्मचारीले खोप लिएका थिए ।
शाखा संयोजक रामनारायण यादवका अनुसार ४८ जना महिला र २ सय ३६ पुरुषगरी कुल २ सय ८४ जनाले कोरोनाविरुद्घको खोप लगाएका हुन् । सवैभन्दा बढी सशस्त्र प्रहरी बल नेपाल बोडर आउट पोस्ट काँकरभिट्टामा कार्यरत ३ महिलासहित ६१ जना सुरक्षाकर्मीले खोप लगाएका थिए ।
यसैगरी, सशस्त्र प्रहरी बल नेपाल बोडर आउट पोस्ट बाहुनडाँगीमा कार्यरत ४४ जना सुरक्षाकर्मीले समेत खोप लिएको पोस्टले जनाएको छ । स्वास्थ्य कार्यालय झापाका स्वास्थ्यकर्मी रमला वराललगायतको टोलीले नगरपालिकामा खोप लिन आउनेलाई सेवा प्रदान गर्नुभएको थियो ।
