एजेन्सी ।विश्वका विभिन्न मुलुकभन्दा पछिल्लो २४ घण्टामा कोरोना भाइरसका नयाँ सङ्क्रमित अमेरिकामा धेरै थपिएका छन् ।
अमेरिका कोरोनाका कारण प्रभावित हुनेमध्ये विश्वकै पहिलो नम्बरमा रहेको मुलुक हो । केही दिनयता अमेरिकामा सङ्क्रमण तीव्र रूपमा फैलिइरहेको छ । एकै दिन अमेरिकामा ८८ हजार आठ सय ६६ जना नयाँ बिरामी थपिएका हुन् ।
सङ्क्रमित सङ्ख्या तीन करोड ६७ लाख ४७ हजार छ सय ४२ पुगेको छ । दुई करोड ९९ लाख १३ हजार ८८ जना उपचारपछि निको भएका छन् । एकै दिन ४० हजार नौ सय ८९ जना सङ्क्रमणमुक्त बने ।
६२ लाख सात सय ९० सङ्क्रमित अमेरिकामा उपचाररत छन् । उपचाररतमध्ये १६ हजार ५५ जनाको अवस्था चिन्ताजनक छ । एकै दिन दुई सय ८५ जनाको मृत्यु भएसँगै अमेरिकामा हालसम्म कोरोनाका कारण मृत्यु हुनेको सङ्ख्या छ लाख ३३ हजार सात सय ६४ पुगेको छ ।
नेपालसँग खुला सीमा रहेको छिमेकी मुलुक भारतमा पछिल्लो २४ घण्टामा २७ हजार चार सय २९ जना नयाँ बिरामी थपिए । सङ्क्रमित सङ्ख्या तीन करोड १९ लाख ९७ हजार १७ पुगेको छ । तीन करोड ११ लाख ७३ हजार तीन सय ८३ जना जना उपचारपछि निको भएका छन् ।
एकै दिन ४१ हजार चार सय ६१ जना कोरोनामुक्त बने । तीन लाख ९४ हजार नौ सय १९ सङ्क्रमितको उपचार जारी छ । उपचाररतमध्ये आठ हजार नौ सय ४४ जनाको अवस्था गम्भीर छ ।
भारतमा पछिल्लो २४ घण्टामा तीन सय ७६ जनाको मृत्यु कोरोनाका कारण भयो । हालसम्म मृत्यु हुने सङ्क्रमितको सङ्ख्या चार लाख २८ हजार सात सय १५ पुगेको छ । भारत कोरोनाका कारण प्रभावित हुनेमध्ये विश्वकै दोस्रो नम्बरमा रहेको मुलुक हो ।
विश्वमा एकै दिन पाँच लाख चार हजार एक सय ८४ जना नयाँ बिरामी थपिए । सङ्क्रमित सङ्ख्या २० करोड ४० लाख ६१ हजार ३७ पुगेको छ । १८ करोड ३२ लाख २९ हजार दुई सय १९ जना उपचारपछि निको भएका छन् ।
पछिल्लो २४ घण्टामा चार लाख ६५ हजार ३५ जनाले कोरोनालाई जितेका छन् । एक करोड ६५ लाख १६ हजार छ सय २३ जनाको उपचार जारी छ । उपचाररतमध्ये ९९ हजार ८२ जनाको अवस्था चिन्ताजनक छ ।
एकै दिन विश्वमा सात हजार छ सय ५६ जनाको मृत्यु कोरोनाका कारण भयो । हालसम्म विश्वभर मृत्यु हुने सङ्क्रमितको सङ्ख्या ४३ लाख १५ हजार एक सय ९५ पुगेको छ ।
