२५ असोज, मेचीनगर : झापाको कमल गाउँपालिका वडा नम्बर ५ रंगपुरमा ५५ राउण्ड गोली फेला परेको छ ।
जिल्ला प्रहरी कार्यालय झापाका अनुसार शुक्रबार स्थानीय ५५ वर्षीय गंगाप्रसाद पाण्डेले केराको पात काटने क्रममा सेतो बोरामा शंकाष्पद वस्तु देखेपछि खोलेर हेर्दा गोली भएको पुष्टि भएपछि शनिबार साढे छ बजे इलाका प्रहरी कार्यालय दमकम खवर गरेका थिए । गोली भेटिएको भन्ने सूचना गाउँलेले दिएपछि त्यसतर्फ गएको इलाका प्रहरी कार्यालय दमकको टोलीले उक्त गोली बरामद गरेको हो ।
दमकबाट खटिएको प्रहरी टोलीले हेर्दा एसएलआरको सात दशमलव २२ एमएमको ५५ राउण्ड गोली भएको पुष्टि भएको प्रहरीले जनाएको छ । उक्त गोली कसले र किन राखेको भन्ने सम्बन्धमा अनुसन्धान थालिएको जिल्ला प्रहरी कार्यालय झापाले जनाएको छ ।
