१७ फागुन, काँकरभिट्टा : झापा काँकरभिट्टाका चर्चित संगीतकार एवम् गायक योगेन्द्र उपाध्याय निरौंलाको संगीत एवम् गायक निशान भट्टराईको स्वरमा नयाँ गीत सार्वजनिक भएको छ ।
सोमबार उमेश लम्साल युट्युब च्यानलमार्फत ‘जिन्दगी यो’ बोलको लिरिकल गीत सार्वजनिक गरिएको हो।
उमेश लम्सालको शब्द रहेको गीतमा योगेन्द्र उपाध्याय निरौंलाले संगीत भरेका छन् भने संगीत संयोजन विश्व अधिकारीको छ। यो गीतलाई आकाश नेपालीले रेकर्डिङ गरेका हुन्।
लिरिकल भिडिओमा केही तस्बिरहरू प्रयोग गरिएको छ जसलाई योगेन्द्र उपाध्याय निरौंलाले सम्पादन गरेका हुन्।
रचनाकार उमेश लम्साल समेत झापा मेचीनगरका वासिन्दा हुन् । उनी नेपाल प्रहरीका प्रहरी नायव उपरीक्षक हुन् । विगत एक दशक देखि गीत लेखनमा सक्रिय गीतकार लम्सालका धेरै गीतहरु रेकडिङ्ग भएका छन् ।