झापा ।प्रदेश न १ का अधिकांश प्रयोगशालाहरूमा परीक्षण बन्द भएपछि पिसिआर परीक्षण प्रभावित भएको छ ।
उता इटहरी उपमहानगरपालिकाले सूचना जारी गरेर पिसिआर परीक्षण प्रभावित भएको जनाएको छ । त्यसैगरी दमक नगरपालिकाले करिब १० दिन अघि पठाएका नमूनाका रिपोर्ट हालसम्म प्राप्त नभएको जनाएको छ ।
प्रयोगशालाहरुले नमुना नै नपठाउन भनेका छन् । जसले गर्दा अत्यावश्यक बिरामीहरु निजी अस्पताल धाउन बाध्य छन् ।
प्रदेश नं १ मा विराटनगरको कोशी अस्पताल, प्रादेशिक जनस्वास्थ्य प्रयोगशाला, धरानको बीपी प्रतिष्ठान र मेची अस्पतालका दुईवटा प्रयोगशालाले कोरोना परीक्षण गर्दै आएका छन् । प्रादेशिक जनस्वास्थ्य प्रयोगशालाले चाप धान्न सकिरहेको छैन भने बीपी प्रतिष्ठानको ल्याबले शूल्क लिएर मात्र परीक्षण गरिरहेको बुझिन आएको छ ।
मेची अस्पताल भद्रपुरको ल्याब बन्द छ । कनकाई नगरपालिकाको कोटीहोममा रहेको ल्याबमा पनि नमुनाको चाप छ ।
