२४ वैशाख, काठमाडौँ : काठमाडौंको राष्ट्रियसभा गृहमा शनिबार नमुना मतदान गरिएको छ ।
मुख्य निर्वाचन अधिकृतको कार्यालय काठमाडौंले निर्वाचनमा खटिने जनशक्तिको अभ्यासका लागि नमुना मतदान कार्यक्रम राखेको हो ।
३० वैशाखमा हुने स्थानीय तह निर्वाचनका लागि खटिने कर्मचारीको तालिमको सिलसिलामा नमुना मतदान गरिएको निर्वाचन अधिकृतको कार्यालयले जनाएको छ ।
देशभरका निर्वाचन अधिकृतको कार्यालयले निर्वाचनमा खटिने कर्मचारीका लागि तालिम सञ्चालन गर्ने निर्वाचन आयोगका प्रवक्ता शालिग्राम शर्मा पौडेलले जानकारी दिए ।
