३ चैत, काँकरभिट्टा : काँकरभिट्टा बहुमुखी क्याम्पसकाे स्ववियु निर्वाचन स्थगित भएकाे छ । क्याम्पस प्रशासन र निर्वाचन समितिले संयुक्त रूपमा पत्रकार सम्मेलन आयाेजना गरी असहज परिस्थितिका कारण तत्कालका लागि निर्वाचनकाे वातावरण नभएकाे जनाउँदै चैत ५ गते हुने भनिएकाे निर्वाचन स्थगित गरिएकाे बताईएकाे छ ।
`एमाले निकट विद्यार्थी संगठन अनेरास्ववियुकाे अराजक र अर्मायादित गतिविधिका कारण निर्वाचन स्थगित गरिएकाे हाे, ´क्याम्पस प्रमुख लक्ष्मीप्रसाद उप्रेतीले पत्रकार सम्मेलनमा बताउनु भयाे ।
`निर्वाचन गराउने नाममा विद्यार्थीहरूबीच झडपकाे अवस्था देखेर निर्वाचन स्थगित गरियाे,´ उप्रेतीले भन्नुभयाे, `क्याम्पकाे बाेर्ड जलाउने, ताेडफाेड र आगजनि गर्ने विद्यार्थी समुहकाे अगुवाई गर्ने दुई जना विद्यार्थीहरू सन्ताेस धमला र सन्देस पाैडेललाई तीन महिनासम्म क्याम्पसबाट निलम्बलन गर्ने निर्णय भएकाे छ ।´
