११ चैत्र, काँकरभिट्टा : काँकरभिट्टा बहुमुखी क्याम्पसको हिजो भएको स्ववियु निर्वाचनको परिणाम सार्वजनिक भएको छ । निर्वाचन समितिले राति १२ बजे निर्वाचनको परिणाम घोषणा गरेको हो । नेपाल विद्यर्थी संघले आफ्नो पुरानो विरासत कायम गर्दै अधिकांश पदहरुमा विजय हासिल गरेको छ । नेविसंघले अध्यक्ष सहित सचिव र पाँचैनजा सदस्यहरुमा जित निकालेको छ भने पदाधिकारी तर्फ एकजना कोषध्यक्ष राष्ट्रवादी प्रगतिशील प्यानलबाट अनुषा अर्याल विजयी भएकी छिन् । कोषाध्यक्षमा निर्वाचित अर्यालयले अनेरास्ववियू(एस) बाट कोषाध्यक्ष पदमा उम्मेदवारी दिएकी थिइन् ।
नेपाल विद्यार्थी संघबाट अध्यक्षमा निर्वाचित विशाल तामाङ्गले २ सय ५० मत प्राप्त गरेका छन् भने उनका निकटतम् प्रतिद्वन्दी अनेरास्ववियू(एस) का विनम सरदारले १ सय ९० मत प्राप्त गरेका छन् । त्यसैगरी सचिवमा नेविसंघका सुवास खत्री १ यस ८२ मतका साथ विजयी भएका छन् भने उनका उनका निकटतम् प्रतिद्वन्दी अनेरास्ववियू(एस) का सुरज राजवंशीले १ सय ६५ मत प्राप्त गरेका छन् । त्यस्तै कोषाध्यक्षमा अनेरास्ववियू(एस)का अनुषा अर्याल १ सय ६९ मत प्राप्त गरी विजयी भएकी छिन् उनका निकटतम् प्रतिद्वन्दी नेविसंघकी निशा धमलाले १ सय ५३ मत पाएकी छिन् । त्यसै गरी सदस्यहरुमा सुरज राईले २ सय ४५ मत, सुरज चिमरियाले २ सय १७ मत, रिया ढुङ्गानाले २ सय ७ मत, अंकितप्रसाद चम्लागाईंले १ सय ८५ मत र योगन्द्र खड्का(बरदान)ले १ सय ८१ मत प्राप्त गर्दै विजयी भएका छन् ।
समानुपातिक तर्फ पनि नेपाल विद्यार्थी संघले सर्वाधिक मत प्राप्त गरेको छ । नेविसंघले समानुपातिकमा २ सय १७ मत प्राप्त गरेको छ । त्यस्तै एमाले निकट अनेरास्ववियुले १ यस १६ मत प्राप्त गर्दै दोस्रो स्थानमा रहन सफल भएको छ भने नेकपा (एस) निकट अनेरास्ववियूले १ सय १० मत प्राप्त गरी तेस्रो स्थान ओगट्न सफल भएको छ । त्यसैगरी राप्रविसंघले ३० र अनेरास्ववियू(क्रान्तिकारी)ले २६ मत प्राप्त गरी चौथो र पाँचौ स्थानमा रहन सफल भएका छन् ।
प्रत्यक्ष तर्फको अन्तिम मत परिणाम विवरण :
केहो समानुपातिकको हिसाब ?
समानुपातिक तर्फ ७ जना सदस्दयहरु निर्वाचित हुने र कुन संगठनबाट कति सदस्य निर्वाचित हुन्छन् भनि निर्वाचन समितिले निर्णय गर्न बाँकी रहेको र सम्भवत भोलि बस्ने निर्वाचन समितिको बैठकले त्यसको निर्णय गर्ने निर्वाचन समिति संयोजक हेमकुमार खड्काले बताउनु भयो । समानुपातिक तर्फ खसेको जम्मा सदर मतलाई निर्वाचित हुने सदस्य संख्याले भाग गरी आउने भागफल बराबर १ सदस्य निर्वाचित हुने निर्वाचन समिति सदस्य दुर्गाबहादुर लुइटेलले जानकारी दिनु भयो । समानुपातिक तर्फ नेपाल विद्यार्थी संघले ३ सदस्य, अनेरास्ववियु(एमाले)ले २ सदस्य र अनेरास्वियू(एस)ले २ सदस्य पाउने सम्भावना रहेको छ ।
खसेको मतभारका आधारमा काँकरभिट्टा बहुमुखी क्याम्पसको समानुपातिक तर्फ निर्वाचित हुने अनुमानित सदस्य विवरण
