२३ असोज, मेचीनगरः मेचीनगर नगरपालिकाले तीन पाङ्ग्रे ई– रिक्शा(सिटी सफारी) दर्ता प्रक्रिया अगाडि बढाए सँगै सफारीहरूको धमाधम दर्ता गरि सवारी दर्ता प्रमाण पत्र वितरण सुरु भएको छ ।
नगरपालिका क्षेत्राधिकारभित्र रहेका ई– रिक्साको व्यवस्थापन, दर्ता, नविकरण गर्ने जिम्मा प्रदेश सरकारले सम्बन्धित पालिकालाई हस्तान्तरण गरेपछि ऐन कार्यान्वयन गर्न मेचीनगरपालिकाले “ सिटी सफारी व्यवस्थापन सम्बन्धि कार्यविधि २०७९अनुसार दर्ता प्रक्रिया सुरु गरेको थियो ।
पहिलो चरण अन्तरगत कोशी प्रदेश सरकारले मेचीनगर पालिकालाई हस्तान्तरण गरेका दुईसय ५० वटा फायल (सिटी सफारी ) दर्ता गरि सवारी दर्ता प्रमाण पत्र प्रदान गरिने छ । मेचीनगरमा करीब एकहजार सिटी सफारी सञ्चालनमा छन् ।
लामो समयको मिहेनत र सम्बन्धित अनि सरोकारवालाहरूसँगको छलफल पछि मेचीनगर नगरपालिकाले बुधबार राजेशकुमार सुनुवारलाई सवारी दर्ता प्रमाण पत्र (ब्लु–बुक) हस्तान्तरण गरि सवारी दर्ता प्रमाण पत्र वितरण कार्य शुरू गरेको हो । नगरपालिका उपप्रमुख मीना पोखरेल उप्रेती , प्रमुख प्रशासकीय अधिकृत अग्निप्रसाद अधिकारीले संयुक्तरूपमा सुनुवारलाई सवारी दर्ता प्रमाणपत्र (ब्लु–बुक) हस्तान्तरण गरि सुरुवात गर्नुभएको थियो ।
अव्यवस्थित रूपमा रहेको ई– रिक्सा सवारी कार्यविधि अनुसार मात्र दर्ता गरि मेचीनगरका विभिन्न क्षेत्रमा चलाउन पाइने भएको नगर प्रमुख गोपालचन्द्र बुढाथोकीले बताउनुभयो । यसले गर्दा सिटी सफारी दर्ताका लागि अन्यत्र जानुपर्ने अवस्थाको अन्त्य हुने स्थानीय तहमानै दर्ता नविकरण हुने उहाँको भनाई छ ।
अहिले मेचीनगरको मुख्य समस्यामा देखिएको ई– रिक्सा सवारी कार्यविधि बनेसँगै यातायात व्यवस्थापनमा सहजता हुने देखिएको छ । व्यवस्थित रूपमा लैजानलाई ई– रिक्सा दर्ता प्रक्रियामा नम्बरिङ पनि भएकाले ई– रिक्सा पहिचान गर्न ट्राफिक व्यवस्थापनमा सहजता हुने भएको छ ।
अव्यवस्थित रूपमा रहेको ई– रिक्सा सवारी कार्यविधि अनुसार मात्र दर्ता गरि मेचीनगरका विभिन्न क्षेत्रमा चलाउन पाइने भएको नगर प्रमुख गोपालचन्द्र बुढाथोकीले बताउनुभयो । अहिले मेचीनगरको मुख्य समस्यामा देखिएको ई– रिक्सा सवारी कार्यविधि बनेसँगै यातायात व्यवस्थापनमा सहजता हुने देखिएको छ । व्यवस्थित रूपमा लैजानलाई ई– रिक्सा दर्ता प्रक्रियामा नम्बरिङ पनि भएकाले ई– रिक्सा पहिचान गर्न ट्राफिक व्यवस्थापनमा सहजता हुने भएको छ ।
‘दर्ता नहुँदा मेचीनगरमा कति सिटी सफारी सञ्चालित छन् भन्ने एकिन विवरण नै पाइँंदैन । यसले ट्राफिक व्यवस्थापनमा पनि समस्या देखिएको थियो ’ उपप्रमुख उप्रेतीले भन्नुभयो —‘सिटी सफारी जथाभावी सञ्चालन हुँदा बजार अस्तव्यस्त बनेको छ भने अर्कातिरभाडादर पनि निश्चित नहुँदा यात्रुहरू ठगिएको गुनासो बढिरहेको छ । दर्ता नहुँदा दुर्घटनाका बेला झनै समस्या निम्तिने गरेको छ । यसको नियमनका लागि पनि कानूनअनुसार दर्ता हुनु आवश्यक छ ।’
अनुमति–पत्र विनै जसले पायो, त्यसले सञ्चालन गरिरहेको हुँदा यात्रुका लागि सिटी सफारी चढ्नु जोखिमपूर्ण थियो । यसले आमनागरिकलाई समस्या थपेको थियो । सहरमा छोटो दूरीको यात्रा सहज बनाउन भित्रिएका सिटी सफारी पछिल्लो समय सडक अस्त–व्यस्त बनाउने र दुर्घटनाको जोखिम बढाउने कारकका रूपमा देखिएका छन् । अझ स्थानीय तहले यसको दर्ता र नियमन नगर्दा समस्या थपिएको थियो । मेचीनगर नगरपालिकाले ऐन, कानूनबमोजिम सिटी सफारीलाई दर्ता प्रक्रियामा ल्याएर एउटा सकरात्मक सन्देश दिएको छ ।
