झापाको धाइजनमा मोटरसाइकलको ठक्करबाट एक पैदलयात्रीको मृत्यु

मेचीनगर । झापाको बुद्धशान्ति गाउँपालिका–३, धाइजनमा मोटरसाइकलको ठक्करबाट पैदलयात्रीको मृत्यु भएको छ ।

बिहीबार बेलुकी करिब साढे ७ बजे मे १० प ८८५७ नम्बरको मोटरसाइकलले पैदल हिँडिरहेका मेचीनगर नगरपालिका–१२ का २२ वर्षीय रमेश राजवंशीलाई ठक्कर दिएको थियो ।

दुर्घटनामा गम्भीर घाइते भएका उनको उपचारको क्रममा धरानस्थित बीपी प्रतिष्ठानमा मृत्यु भएको जनाइएको छ ।

दुर्घटनामा संलग्न सवारीसाधनसहित चालकलाई इलाका प्रहरी कार्यालय बुधबारेले नियन्त्रणमा लिएको छ ।