भद्रपुर।नेपाल सरकारको स्वास्थ्य बिमा कार्यक्रम अन्तर्गत नियमित औषधी प्रयोग गर्दै आएका बिरामीलाई तीन महिनाको औषधि एकैपटक दिन थालेपछि अस्पतालमा चाप घट्दै गएको छ।
नियमित औषधी लिन आएकी भद्रपुर ७ की शोभा पौडेलले डाक्टरले लेखिदिएको पूर्जाअनुसार ३ महिनाको औषधी एकै पटक पाउँदा हर्षित भएकी छिन् ।औषधी देखाउँदै अब तीन महिनाको लागि ढुक्क भएको बताइन् ।
मेची प्रादेशिक अस्पतालको फार्मेसीमा काम गर्दै आएका कर्मचारीहरुले एक महिनाको सट्टा तीन महिनाको लागि एकै पटक औषधी वितरण गर्दा अस्पतालमा नियमित औषधी लिनेको चाप घट्दै आएको बताए।
भद्रपुर -४ की अगनबत्ती राजवंशीले आफूले ४ हजारको औषधीमा ४ सय रकम दिनुपरेको बताउँदै विमा लाग्ने गरेको १० प्रतिशत रकम काट्नुपर्ने बताइन् ।
सरकारले २०७९ साल माघ १ गतेदेखि स्वाथ्य वीमाका बिमितहरुलाई सहभुक्तानी अन्तर्गत १० प्रतिशत शुल्क लिदै आएको छ।
