२६ कात्तिक, विर्तामोड : झापाको विर्तामोडमा रहेको बिराट अर्जुन उपभोक्ता सहकारी सस्था लि.बिर्तामोडको आगामी चारवर्षे कार्यकालका लागि अध्यक्ष पदमा पुनः नविन ‐नवराज) खरेल सर्वसम्मत चयन हुनु भएको छ । सोमबार सम्पन्न निर्वाचन प्रक्रियाबाट खरेलको नेतृत्वमा १४ सदस्यीय नयाँ नेतृत्व सर्वसम्मत चयन भएको निर्वाचन समितिका संयोजक डिल्ली दाहालले जानकारी दिनुभयो ।
उहाँका अनुसार समितिको उपाध्यक्षमा दिपेश प्रसाई, सचिवमा लक्ष्मीप्रसाद खरेल, सहसचिवमा इश्वरीप्रसाद काफ्ले, कोषाध्यक्षमा कृष्णप्रसाद कुईकेल चयन हुनुभएको छ । यसैगरी, सञ्चालक सदस्यहरुमा रुद्रप्रसाद नेपाल, एकराज प्रधान, शारदा सिटौला, खेमबहादुर बस्नेत, राजेश दाहाल, टंकप्रसाद गौतम, मालिकलाल राजवंशी, देवेन्द्र मैनाली र खगेन्द्रप्रसाद चापागाईँ सर्वसम्म्त चयन हुनुभएको हो ।
दाहालको संयोजकत्वमा पत्रकारद्वय हिमाल खरेल र पुष्प वराल सदस्य रहने गरी तीन सदस्यीय समिति गठन भएको थियो ।
उक्त संस्था २०६६ सालमा स्थापना भएको हो । झापाको विर्तामोड —४ मा केन्द्रिय कार्यालय रहेको उक्त सहकारीमा एकहजार चारसय ९० जना सदस्य रहेका छन् । संस्थाले बचत तथा ऋण, उपभोक्ता खाद्य सामाग्रीको विक्री वितरण समेत गदैं आएको छ ।
