१० साउन, मेचीनगर : ‘उँभो उँभो खास्सा म जाँदा, तातोपानी बजारमा बसेथें
तातोपानी बजार घुम्दै जाँदा, शेर्पेनी कान्छीलाई भेटेथें
शेर्पेनी कान्छी क्या राम्री, बान्की परेकी
निक्कै चर्चा बटुलेको यो गीतका गायक वा मंगोलियन हार्टमा स्पन्दन भर्ने पात्र राजु लामा शनिबार विहान झापाको मेचीनगरमा एकाएक देखा परे । नत त्यहाँ कुनै साँगितीक कार्यक्रमको तयारी छ , नत उनी आउने भन्ने कुराको व्यापक प्रचार प्रसार नै । उनलाई एक्कासी देखेपछि उनी सँग फोटो खिच्नेको भिड नलाग्ने कुरै भएन् ।
त्यही कार्यक्रममा गायक राजु लामा अतिथिको रुपमा आएका थिए । उनले अमलाको विरुवा रोपेर कार्यक्रमको विधिवत रुपमा उद्घाटन गरेका थिए ।
रोट्रयाक क्लब अफ काँकरभिट्टा र रोट्रयाक क्लब अफ इटाभट्टा म्यूनिसिपलको समन्वय तथा श्री नेपाल विश्वनाथ शिवालय मन्दिर समिति काँकरभिट्टाको सहकार्यमा मन्दिर परिसरलाई हरियाली र वातावरणमैत्री बनाउने तथा मन्दिर परिसर संरक्षणका लागि १ सय ३३ थान विभिन्न जातका फलफूल का विरुवा रोप्ने कार्य सम्पन्न भएको हो ।
वातावरण संरक्षण विश्वमै एक चुनौतीको रुपमा खडा भएकोले रोटरी क्लवले देशभर वृक्षारोपणलगायत सामाजिक काम गर्दै आएको अध्यक्ष श्रेष्ठले बताए । श्रेष्ठले रोपिएको बिरुवाहरु संरक्षण गर्न नियमित रेखदेख गरि हुर्काउन मन्दिर समितिले सहयोग गर्ने र त्यसले सार्थकता पाउने विश्वास व्यक्त गरे । क्लबले आफ्नो कार्ययोजना अनुसार नै वृक्षारोपण कार्यक्रम सञ्चालन गरेको हो ।
रोटरी क्लब अफ काँकरभिट्टालाई विशेष धन्यवाद दिँदै गायक लामाले यस्ता प्रोजेक्टहरु सफलतापूर्वक अघि बढाउन स्थानीय सरकारको पूर्ण सहयोग चाहिने र आगामी दिनमा आफ्नो तर्फबाट सहकार्य गर्ने प्रतिबद्वता जनाए । बिरुवा रोप्न भन्दा जोगाउन चुनौतीपूर्ण रहेकाले वृक्षारोपण कार्यक्रम सँगसँगै यसको संरक्षणतर्फ पनि ध्यान दिनुपर्ने गायक लामको सुझाँव थियो । उनले वातावरण संरक्षणका लागि वृक्षारोपण जस्तो पवित्र काममा क्लवले काम गरेको भन्दै धन्यवाद ज्ञापन गरे ।
क्लबका पूर्व अध्यक्ष नवराज ‐कृष्णकान्त) खनियाँले यस्ता सामाजिक काममा क्लव सँधै अगाडि रहेको बताए । उनले यस्ता कार्यका लागि निरन्तरता दिन आफूहरुलाई सरकारी निकायको अझै सहयोगको अपेक्षा गरे । कार्यक्रममा क्लवका निवर्तमान अध्यक्ष डाक्टर आनन्दराज खनाल, पूर्व अध्यक्षहरु नवराज ‐कृष्णकान्त) खनियाँल, सुजन प्रधान,अशोक श्रेष्ठ, राधिका गुरुङ, इन्जिनियर रुद्र मैनालीले क्लवले के–कस्ता सामाजिक कार्यहरु गर्छ, क्लवको परिचय र हालसम्म आफूहरुले गरेको विभिन्न गतिविधिहरूकोबारेमा प्रकाश पारेका थिए ।
कार्यक्रमको सञ्चालन रोटरी क्लब अफ काँकरभिट्टाका सन् २०२५—२६ का सचिव रविन सुवेदी र स्वागत पूर्व अध्यक्ष राधिका गुरुङले सहभागी सवैलाई शब्दमार्फत स्वागत गरेकी थिईन् ।
