एनप्याब्सन खेलकुद महोत्सव : जुनियर फूटबलको उपाधि सूर्योदयलाई

८ माघ, मेचीनगर : राष्ट्रिय निजी तथा आवासीय विद्यालय एसोसिएसन झापाको आयोजनामा हल्दीबारी गाउँपालिका स्थित चिल्ड्रेन गार्डेन अंग्रेजी मा.विको खेल मैदानमा आयोजित अन्तर मा.वि. जुनियर फूटबलको उपाधि सूर्योदय अंग्रेजी मा.वि काँकरभिट्टाले जितेको छ ।
सूर्योदयले खेल संयोजन गर्ने विद्यालय चिल्ड्रेन गार्डेनलाई १–० गोल अन्तरले हराउँदै उपाधि जित्न सफल भएको हो । सूर्योदयको जीतमा खेलको म्यान अफ दि सिरिज समेत रहेका जर्सी नम्बर १० का खेलाडी शिशिर थापाले खेलको १७ मिनेटमा गरेको गोल नै निर्णायक गोल हुन पुग्यो ।
सूर्योदयले जीतसँगै ट्रफी, मेडल र प्रमाणपत्र प्राप्त गर्न सफल भएको छ भने उपविजेत टिम चिल्ड्रेन गार्डेनले समेत ट्रफी, मेडल र प्रमाणपत्र प्राप्त गर्न सफल भएको छ । खेलको तस्रो स्थानको लागि भएको खेलमा इष्ट होराइजन अंग्रेजी मा.वि.ले दन्तकाली बोर्डिङ्ग स्कुललाई हराउँदै ट्रफी, मेडल र प्रमाणपत्र प्राप्त गर्न सफल भएको छ ।
विजेताहरुलाई प्रमुख अतिथि एवम् एनप्याब्सन केन्द्रीय सदस्य संजीव राई, जिल्ला उपाध्यक्ष प्रेम शेर्मा, जिल्ला सचिव ओम विक्रम नेम्बाङ्ग, जिल्ला कोषाध्यक्ष मोहन आचार्यले पुरस्कार तथा प्रमाण पत्र वितरण गर्नुभएको थियो ।
पुरस्कार वितरण कार्यक्रमको अध्यक्षता एनप्याब्सन झापाका अध्यक्ष खिवराज भट्टराईले गर्नुभएको थियो भने सञ्चालन एनप्याब्सन मेचीनगर अध्यक्ष भगिरथ राईले गर्नुभएको थियो ।