२४ असार, मेचीनगर : नेपाल प्रहरीको विभिन्न पदमा पदोन्नती भएकाहरुलाई आज दर्ज्यानी चिन्ह सुशोभन कार्यक्रम सम्पन्न भएको छ ।
जिल्ला प्रहरी कार्यालय झापामा आयोजित एक कार्यक्रमकाबीच उनीहरुलाई दर्ज्यानी चिन्हबाट सुशोभन गरिएको हो ।
नेपाल प्रहरी प्रधान कार्यालय मानवश्रोत एवम कर्मचारी प्रशासन शाखाको च.न.८२६५ र ८२६६ मिति २०८३।०३।१९ गतेको पत्रले जनपद समुह तर्फ प्रहरी नायव निरीक्षक पदबाट प्रहरी बरिष्ठ नायव निरीक्षक पदमा र प्रहरी सहायक निरीक्षक पदबाट प्रहरी नायव निरीक्षक पदमा पदोन्नती भएका प्रहरी बरिष्ठ नायव निरीक्षक र प्रहरी नायव निरीक्षकहरु दर्ज्यानी चिन्हबाट सुशोभन भएका हुन् ।
कार्यक्रममा कार्यालयका सूचना अधिकारी प्रहरी नायव उपरीक्षक रञ्जन अवा प्रहरी निरीक्षकहरु, जुनियर प्रहरी अधिकृतहरुलगायत अन्य सकल दर्जाका प्रहरी कर्मचारीहरुको उपस्थिति रहेको थियो । दर्ज्यानी चिन्ह सुशोभन पश्चात सामूहिक तस्वीर लिइएको थियो ।
