लक्ष्मी उप्रेती
२ जेठ, मेचीनगर : नेपालका विभिन्न स्थानमा शिलान्यास गरिएका भ्यू टावरहरू उचित योजना, बजेट र व्यवस्थापनको अभावमा अलपत्र परी खण्डहर बन्दै गएका छन्, जसमा झापाको मेचीनगर नगरपालिका वडानम्बर-६ काँकरभिट्टाको भ्यू टावरसमेत पर्दछ ।
करोडौं लगानीमा यो संरचनाको निर्माण कार्य पुरा नहँुदैं बीचमै अलपत्र, लथालिङ्ग र वेवारिसे अवस्थामा पुगेको छ । शिलान्यास पछिको भ्यू टावरको अवस्था हेर्दा लाग्छ सरकारी लगानी बालुवामा पानी जस्तै भएको छ ।
विदेशी पर्यटकहरुलाई आर्कषण गर्ने उद्धेश्यसहित झापाको मेचीनगर नगरपालिका वडानम्बर-६ काँकरभिट्टास्थित श्री नेपाल विश्वनाथ शिवालय मन्दिर परिसरमा २०७७ साल माघ १ गते विहिबार निक्कै तामझामका साथ भ्यू टावरको शिलान्यास कार्यक्रम भएको थियो । भ्यू टावरबाट तराईको मनोरम फाँटहरु मात्र नभएर इलामको हरियाली डाँडाकाँडा र भारतको दार्जिलिङ, शिलीगुढी र सिक्किमसम्मको दृश्यावलोकन गर्न सकिने सम्भावना बताउँदैं काँकरभिट्टा नेपाली पर्यटन क्षेत्रका लागि प्रमुख प्रवेशद्वार मध्येमा पर्दछ, उनीहरुलाई घुमफिर गर्न र रमाउन मन लाग्दा भ्यूटावर महत्वपूर्ण ठाउँ बन्ने विश्वासका साथ राजनीतिक दलका नेताहरुले शुभकामना दिएका थिए ।
कोशी प्रदेश तत्कालिन प्रदेश सभा सदस्य श्रीप्रसाद मैनाली शिलान्यास समारोहका प्रमुख अतिथि थिए । कोशी प्रदेश सरकारको ७० र मेचीनगर नगरपालिकाको ३० प्रतिशत लागतमा उक्त भ्यू टावर बन्ने त्यसवेला बताइएको थियो । मेचीनगर पालिकाकातर्फबाट तात्कालिन नगर प्रमुख विमल आचार्य र उपप्रमुख मीना पोखरेल उप्रेतीले यो भ्यू टावर निर्माणका लागि अर्थ मन्त्रालयमा गएर नगरपालिकाले ३० र प्रदेश सरकारले ७० प्रतिशत व्यहोर्ने सहमति भएपछि अर्थमन्त्रीले बजेट बक्तव्यमा यसलाई समेटेका थिए ।
३३ मिटर अग्लो ११ तले लक्ष्यसहित निर्माण शुरु गरिएको भ्यू टावर शिलान्यास भएको झण्डै साढे पाँचवर्ष ग्रुजिँदासम्म भुईँभन्दा माथि उठ्न सकेको छैन् । यो भ्यू–टावर निर्माणाधीन अवस्थामा नै लामो समयदेखि अलपत्र छ । जस्का कारण यसमा प्रयोग भएका रड खियाँ लागेर कमजोर झै छन् भने फण्डिसन समेत दैनिक कमजोर हुँदैं गएको छ । यो आयोजना बहुवर्षीय परेका कारण एकवर्षमा यसको निर्माण कार्य सम्पन्न हुने र यसको शुरु र अन्त्य गर्न कुनै समस्या नहुँने तर, यसको संरक्षण र सञ्चालनमा चूनौती देखिने स्थानीय सरकारले बताए पनि अहिले निर्माणकै क्रममा चुनौती देखिएको छ ।
हुनतः कोशी प्रदेशका तात्कालिन प्रदेश सभा सदस्य हाल मेचीनगर नगरपालिकाका नगरप्रमुख गोपालचन्द्र बुढाथोकीले आयोजना समयमै सम्पन्न गर्न सवैले आ-आफ्नोक्षेत्रबाट साथ सहयोग पहल सकरात्मकरुपमा अघि बढन् शुभकामना दिदैं नेपालमा थ्रुप्रै योजनाहरु शिलान्यास हुने गरेको कुरा स्मरण गराउँदैं उनले शिलान्यास हुदैंमा ढुक्क हुने अवस्था नरहेको बताएका थिए ।
नेपालको प्रवेश विन्दु भएको हँुदा काँकरभिट्टामा पर्यटक आउनासाथ दृश्यावलोकनका लागि कोशी प्रदेश सरकार, उद्योग, वन तथा वातावरण मन्त्रालय र झापाको मेचीनगर नगरपालिकाको लागत सहभागितामा झापाको मेचीनगर नगरपालिका वडानम्बर -६ काँकरभिट्टास्थित श्री नेपाल विश्वनाथ शिवालय मन्दिर परिसरमा भ्यू टावरको शिलान्यास भएको थियो । मेचीनगर नगरपालिकाको गौरवको आयोजनामा सूचीकृत भएको एघार तलाको भ्यू टावरमार्फत नेपाल, भारत तथा बंगलादेशको दृश्य अवलोकन गर्न सकिने र यसबाट पर्यटन प्रवद्र्धनमा टेवा पुग्ने विश्वास व्यक्त गदैं शिलान्यास गरियो करोडौंको महत्वकाँक्षी योजना बीचमै तुहिएको छ ।
केही दिनअघि प्रतिनिधि सभा सदस्य निशा डाँगीले यो भ्यू टावरको स्थलगत निरीक्षण गरेकी थिईन् । ‘अब ठेक्का रद्ध गर्ने कि निर्माण कार्यलाई थप अघि बढाउने’ निरीक्षणका क्रममा प्रतिनिधि सभा सदस्य डाँगीले भनिन् । मेचीनगर नगरपालिका वडा नम्बर-६ का वडाध्यक्ष ललितबहादुर तामाङ्ग, पूर्व जनप्रतिनिधिहरु, स्थानीयवासीसहित सर्वसाधारणसँग यस विषयमा प्रतिनिधि सभा सदस्य डाँगीले छलफल गरेकी थिईन् । ॅयो धेरै विवादित विषय भएको उनको भनाई थियो । यसलाई के गर्ने हो, यति संरचना बनिसकेको छ, यो आयोजना आवश्यकता थिइन् भने किन शुरु गरियो, डीपीआर कस्ले बनायो, यो प्राविधिकको त्रुटि नभएर डीपीआर बनाउनेको त्रुटि भएको छ, हामीले यी त्रुटीहरुलाई माफ गर्ने हो कि ? क्षमादिन योग्य छैनन् भने कारवाहीको दायरमा ल्याउनु पर्छ की भन्ने मलाई लाग्छ ।’ डाँगीले भनेकी थिईन् । यो स्थानीय सरकारले टुङ्गयाउने विषय भएको बताउँदैं मेचीनगर नगरपालिका वडा नम्बर—६ का वडाध्यक्ष ललितबहादुर तामाङ्गलाई प्रश्न गरिन, ‘वडाध्यक्षज्यू यहि हुनुन्छआवश्यकता थिएन भने यति लागत किन खर्च गरियो ?’
यो आयोजना प्रमुखका रुपमा मेचीनगर नगरपालिकाका तात्कालिन इञ्जिनियर कमलप्रसाद कोइराला र साइड इञ्चार्जका रुपमा सव इञ्जिनियर कमलप्रसाद शर्मालाई तोकिएको थियो ।
