आज (मंगलबार) पत्रकार सम्मेलन गर्दै वायुसेवा सञ्चालक संघले भोलि (बुधबार) देखि सबै उडान रोक्ने निर्णय गरेपछि मन्त्री आलेले कडा कारबाही गर्ने चेतावनी दिएका हुन् । यो विषयमा उनले प्रधानमन्त्री शेरबहादुर देउवासँग पनि सल्लाह गरिसकेका छन् । उनले अब कसैको धाक र धम्कीबाट सरकार नडराउने भन्दै सेवा अवरुद्ध गरेको पाईए कडा एक्शनका उत्रिने चेतावनी दिएका हुन् ।
प्रधानमन्त्री देउवाले पनि वायुसेवा सञ्चालकले सरकारको निर्णय पालना गर्नुपर्ने भन्दै निर्णय कार्यान्वयनमा अवरोध गरे कारबाही गर्न विभागीय मन्त्री आलेलाई निर्देशन दिएका छन् । प्राधिकरणले भने अब काठमाडौंमात्रै जहाज पार्क नगरेर काठमाडौं बाहिरपनि पार्क गर्न भन्दै सम्बन्धित जहाजलाई ठाउँ तोकिदिएको छ ।
तर, वायुसेवा सञ्चालकहरुले भने प्राधिकरणको निर्णय नमान्ने चेतावनी दिएका छन् । मन्त्री आलेले भने निर्णय नमाने विमान कम्पनीको लाईसेन्स खारेजदेखि सञ्चालकहरुलाई जेल कोच्नेसम्मको तयारी रहेको बताएका छन् ।(रिपोर्टसनेपालबाट)
