ठमाडौं । अभिनेत्री करिश्मा मानन्धरलाई महानायिकाको उपाधि प्रदान गरिएको छ । अभिनेता राजेश हमालको विशेष आतिथ्य तथा सञ्चार मन्त्री पार्वत गुरुङको प्रमुख आतिथ्यमा आर के ईण्टरटेन्मेण्टले काठमाडौंको राष्ट्रिय सभागृहमा आयोजना गरेको कार्यक्रममा मानन्धरलाई महानायिकाको उपाधि प्रदान गरिएको हो ।
राजेश हमाल महानायक भएकाले कार्यक्रममा हमालबाटै करिश्मालाई महानायिकाको स्यासे लाउन लगाईयो । अभिनेता हमाललाई पनि आफुहरुले महानायकको उपाधि प्रदान गरिएको र उनको जोडी बनेर धेरै हिट फिल्म नेपाली चलचित्र उधोगलाई दिएकी अभिनेत्री मानन्धरलाई सोही कारण महानायिकाको उपाधि प्रदान गरिएको सो संस्थाका अध्यक्ष राम केसी ‘लक्की’ले बताएका छन् ।
समारोहमा अभिनेत्री मानन्धरलाई महानायिका लेखिएको स्यासे र क्राउन लगाएर महानायिका घोषणा गरिएको हो ।
अभिनेत्री मानन्धरले २०४५ सालमा चलचित्र ‘सान्तन’बाट नायिकाको रुपमा डेब्यु गरेकी थिईन् । उनले चलचित्र बृत्तमा काम गरेको ३२ वर्ष भयो । उनले तीन दशक भन्दा लामो समयदेखि नायिकाको रुपमा काम गर्दै आएकी छिन् । साथै उनले अहिलेसम्मकै सबैभन्दा धेरै सफल चलचित्रमा काम गरेकी छिन् ।
