केकेको स्टेज नामले चिनिने भारतीय गायक कृष्णकुमार कुननाथको मंगलबार राति कोलकातामा निधन भएको सीएमआरआई अस्पतालले जनाएको छ।
मे ३१ मा आफ्नो मृत्यु हुनुभन्दा केही घण्टा अघि ५३ वर्षीय प्रख्यात गायकले पश्चिमी भारतको कोलकाताको सर गुरुदास महाविद्यालय कलेजको नजरुल मञ्चमा एक कन्सर्टमा प्रस्तुति दिई एक्कासी बिसन्चो भएर होटल फर्किएका थिए । उनको अवस्था बिग्रिएपछि उनलाई कोलकाताको सीएमआरआई अस्पताल लगिएको थियो । जहाँ उनलाई मृत घोषित गरिएको थियो।
आफ्नो पहिलो एकल एल्बम “पाल” को १९९९ रिलीज पछि लोकप्रिय भएका केकेका गीतहरू चलचित्रहरूमा प्रयोगको लागि पूर्व-रेकर्ड गरिएका छन् । उनले सयौं बलिउड चलचित्रहरूमा आफ्नो आवाज दिई श्रोताहरुको मन जित्न सफल भएका थिए ।
अगस्ट १९६८ मा नयाँ दिल्लीमा जन्मेका केकेले दिल्ली विश्वविद्यालयको किरोरी मल कलेजबाट स्नातक गरेका थिए । उनले आफ्नो करियरको शुरुवातमा विज्ञापनहरुका लागि जिंगल गाएर सुरु गरेका थिए ।
