धरान,जेठ ११ । धरानबाट एम्बुलेन्समा गाँजा ओसारपसा गरेको आरोपमा दुई जना पक्राउ परेका छन्।
धरान–१५ का ३६ वर्षीय बलबहादुर लिम्बु र धनकुटा सहिदभूमि गाउँपालिका–१ का २८ वर्षीय पोशन राईलाई सोमबार बेलुका प्रहरीले पक्राउ गरेको हो।
भेडेटारबाट धरान आइरहेको को १ च ५५५९ नम्बरको एम्बुलेन्सबाट प्रहरीले एक सय किलो गाँजा बरामद गरेको थियो। उनीहरूलाई लागुऔषध मुद्दामा अनुसन्धान थालिएको इलाका प्रहरी कार्यालय धरानले जनाएको छ।
