ज्यमिरगढी | झापाको मेचीनगर—७ मा रहेको पालिया नदीमा पक्की पुल बन्ने भएसँगै स्थानीयवासी हर्षित बनेका छन् । पुल बनेसँगै सदरमुकाम जाने बाटो समेत छोटो हुने उनीहरुको भनाई छ ।
पुल समयमै नबनेका कारण सर्वसाधारणले निक्कै सास्ती व्यहोर्नुपरेको नेपाली काँग्रेसका स्थानीय नेता युद्घराज ओलीको भनाई छ । पालिया खोलामा पक्की पुल नभएका कारण एउटा काठे पुलको भरमा मानिसहरु हिड्ने गरेका थिए । काठे पुललाई समेत बाढीका कारण पालिया नदीले क्षति पुर्याउँदा समयमै मर्मत तथा सम्भार नहुँदा सर्वसाधारणले निक्कै ठूलो सास्ती व्यहोर्नुपरेको ओलीको भनाई छ ।
पक्की पुल निर्माण भएपछि मेचीनगर —७ स्थित सत्तिघट्टा–गोमनसरी–इटाभट्टालाई जोड्ने छ । झापाको मेचीनगरहुदैँ सदरमुकाम सम्म जोडने यो पुलको निर्माणपछि सञ्चालनमा आएलगत्तै मेचीनगर र चन्द्रगडी विमास्थलको दुरी १४ किलो मिटरमात्र हुने मेचीनगर नगरपालिका वडानम्बर ७ का वडा सदस्य रुपा गुरुङ्गको भनाई छ । सिगंल स्पाम रहने उक्त पुलको लम्बाई पिल्लरदेखि पिल्लरसम्म २५ मिटरको हुने र एलआरवीएसयुको प्राविधिक सहयोगमा पुर्वाधार विकास कार्यालय भद्रपुर झापाले यसको अनुगमन र रेखदेख गर्दै आएको छ ।
वर्षैदेखि पुलको समस्या व्यहोर्न बाँध्य स्थानीयवासीले पुलको निर्माणसँगै राहतको अनुभव गर्ने प्रदेश सभा सदस्य मैनालीले बताउनुभयो । लामो समयको प्रतिक्षा पछि स्थानीयले विकास योजनाको प्रत्यक्ष लाभ लिन पाएको विश्वास व्यक्त गदैं प्रदेशसभा सदस्य मैनाली निर्धारित समयमै निर्माण कार्य सम्पन्न हुने भन्दैं यस कार्यमा सवैलाई सहयोगी र समन्वयकारी भूमिका निर्वाह गर्न आग्रह गर्नुभएको छ ।
त्यही पुलबाटै अरनिको आधारभूत विद्यालयमा विद्यार्थी पुग्ने गरेका भएपनि बर्खामा भने विद्यार्थीहरु पढ्न आउनै छाड्ने गरेको विद्यालयका प्रधानाध्यापक अग्निप्रसाद घिमिरेले बताउनुभयो ।
लामो समयको प्रतिक्षापछि पालिया खोलामा पक्की पुल त बन्ने भयो । तर थुप्रै यस्ता आयोजनाहरु बर्षौंदेखि अलपत्र परेका पनि छ । हामी चाहान्छौ यो योजना बीचमै अलपत्र नपरोस र अब सवै विद्यार्थीहरुले बर्खाका समयमा समेत विद्यालय जान सकुन् ।