चाइना ट्रेड सहकारीको निक्षेप ७५ करोड नाघ्यो, कर्जा लगानी ३९ करोड रुपैयाँ

आर्थिक वर्ष २०८२/८३ को अन्त्यसम्ममा संस्थाको सेयर पुँजी करिब ८ करोड पुगेको छ भने खिचापोखरीस्थित मुख्य कार्यालयबाट वित्तीय सेवा प्रवाह हुँदै आएको छ।

A notice in Nepali from Mechinagar Ward No. 10
चाइना ट्रेड बहुउद्देश्यीय सहकारी संस्थाको वार्षिक साधारण सभा

📌 मुख्य बुँदाहरू:

  • चाइना ट्रेड बहुउद्देश्यीय सहकारी संस्थाको कुल निक्षेप ७५ करोड रुपैयाँभन्दा बढी पुगेको छ।
  • संस्थाको १९औँ वार्षिक साधारणसभाले आर्थिक वर्ष २०८२/८३ को प्रतिवेदन तथा आगामी वर्षको बजेट पारित गरेको छ।
  • हाल संस्थामा १ हजार ९७५ जना सेयर सदस्य रहेका छन् र आधुनिक भवनबाट सेवा दिइँदै आएको छ।

नेपाल-चीन व्यापारमा संलग्न व्यवसायीहरूको संस्था चाइना ट्रेड बहुउद्देश्यीय सहकारी संस्थाको कुल निक्षेप ७५ करोड रुपैयाँ नाघेको छ। काठमाडौंको बबरमहलमा शुक्रबार सम्पन्न संस्थाको १९औँ वार्षिक साधारणसभामा प्रस्तुत प्रतिवेदनअनुसार आर्थिक वर्ष २०८२/८३ को अन्त्यसम्ममा संस्थाको सेयर पुँजी करिब ८ करोड र कर्जा लगानी ३९ करोड रुपैयाँ पुगेको छ।

काठमाडौंको खिचापोखरीमा मुख्य कार्यालय रहेको संस्थाको साधारणसभाले आर्थिक वर्ष २०८२/८३ को वार्षिक प्रगति प्रतिवेदन तथा लेखा परीक्षण प्रतिवेदन पारित गरेको छ। साथै, सभाले आगामी आर्थिक वर्ष २०८३/८४ को नीति, कार्यक्रम र बजेट पनि सर्वसम्मत रूपमा अनुमोदन गरेको छ। स्थापनाकालमा २९ जना संस्थापक सदस्यबाट सुरु भएको सहकारीमा हाल १ हजार ९७५ जना सेयर सदस्य आबद्ध छन्।

संस्थागत सुशासन र वित्तीय अनुशासन

संस्थाले राष्ट्रिय तथा अन्तर्राष्ट्रिय मापदण्डअनुरूप नेपाल वित्तीय प्रतिवेदन मान (एनएफआरएस) अनुसारको लेखा प्रणाली कार्यान्वयनमा ल्याएको छ। प्रदेश सहकारी रजिस्ट्रारको कार्यालय, राष्ट्रिय सहकारी नियमन प्राधिकरण तथा सम्पत्ति शुद्धीकरण निवारणसम्बन्धी नियामकीय निर्देशन पालना गर्दै संस्थाले संस्थागत सुशासनलाई उच्च प्राथमिकता दिएको जनाएको छ। साधारण सभाले निष्क्रिय सदस्य तथा भाखा नाघेको ऋण व्यवस्थापन, सम्पत्ति बिक्री, अन्य सहकारी संस्थालाई एकीकरण गर्ने तथा बहुउद्देश्यीय प्रकृतिका व्यवसाय सञ्चालनको सम्भाव्यता अध्ययन गर्नेलगायत प्रस्ताव पनि पारित गरेको छ।

सामाजिक उत्तरदायित्व र डिजिटल सेवा

वित्तीय कारोबारसँगै संस्थाले सामाजिक उत्तरदायित्वअन्तर्गत रक्तदान, प्रोस्टेट क्यान्सर परीक्षण, पदयात्रा, सहभोज तथा मानव सेवा आश्रममा भोजन वितरण कार्यक्रम सञ्चालन गरेको छ। साना तथा मझौला व्यवसायी सदस्यको व्यावसायिक क्षमता अभिवृद्धिका लागि ‘चिटकोल डिजिटल क्याटालिस्ट’ नामक डिजिटल मार्केटिङ तालिमसमेत सञ्चालन गरिएको संस्थाले जनाएको छ।

कार्यक्रममा राष्ट्रिय सहकारी बैंकका अध्यक्ष लक्ष्मीप्रसाद उप्रेतीले चुनौतीपूर्ण आर्थिक अवस्थामा पनि संस्थाले सदस्य संख्या, सेयर पुँजी र बचतमा वृद्धि गर्दै नियामकीय अनुशासन कायम राख्नु सकारात्मक भएको बताए। काठमाडौं महानगरपालिका-२२ का वडाध्यक्ष चिनीकाजी महर्जनले न्यूरोड क्षेत्रमा संस्थाले स्थानीय विकास र उद्यमशीलता प्रवर्द्धनमा साझेदारी गरिरहेको उल्लेख गरे। संस्थाका कार्यवाहक अध्यक्ष अमरेश चन्द्र बैदारको सभापतित्वमा सम्पन्न सभामा प्रमुख कार्यकारी अधिकृत राजेन्द्रकुमार श्रेष्ठले आगामी दिनमा डिजिटल सेवा विस्तार र सदस्यकेन्द्रित कार्यक्रमलाई प्राथमिकता दिने प्रतिबद्धता व्यक्त गरे।

📄 प्रेस विज्ञप्ति / सूचना

हिमालयन रिइन्स्योरेन्सका सञ्चालक सुभाषकुमार झुनझुनवालालाई थुनामै राख्न सर्वोच्चको आदेश
📄 हिमालयन रिइन्स्योरेन्सका सञ्चालक सुभाषकुमार झुनझुनवालालाई थुनामै राख्न सर्वोच्चको आदेश

Leave a Reply

Your email address will not be published. Required fields are marked *

सम्बन्धित अन्य समाचारहरु

– विज्ञापन –

Mechinagar Ad 2 (Sidebar)
Mechinagar Ads 1
Mero Viber

Welcome Back!

Login to your account below

Retrieve your password

Please enter your username or email address to reset your password.