प्रतिनिधिसभा सदस्य निर्वाचन अन्तर्गत देशभर मतदानको प्रक्रिया उत्साहजनक रूपमा अघि बढिरहेको छ। निर्वाचन आयोगका अनुसार बिहीबार मध्याह्न १२:०० बजेसम्म देशभर कूल १८ प्रतिशत मत खसेको छ।
आयोगको केन्द्रीय तथ्याङ्क प्रणालीका अनुसार यस अवधिसम्म देशभरका विभिन्न मतदान केन्द्रहरूबाट कूल ३१ लाख ६३ हजार ७३६ मतदाताले आफ्नो मताधिकार प्रयोग गरिसकेका छन्। देशभरका १८.९ मिलियन (१ करोड ८९ लाख ३ हजार ६८९) कूल मतदातामध्ये यो संख्या १८ प्रतिशत हाराहारी हुन आउँछ।
आयोगका प्रवक्ताका अनुसार, बिहान ७ बजेदेखि सुरु भएको मतदानमा सुरुवाती केही घण्टा सुस्त देखिए पनि १० बजेपछि भने मतदाताहरूको चाप उल्लेख्य रूपमा बढेको छ। आयोगले सबै ७७ वटै जिल्लामा मतदान शान्तिपूर्ण र उत्साहजनक रूपमा भइरहेको र छिटफुट अवरोध भएका स्थानमा पनि सुरक्षा निकायको सक्रियतामा मतदान सुचारु गरिएको जनाएको छ।
