इटहरी । मोरङ बेलबारी नगरपालिकाकी उपमेयर तारा पराजुलीको रचना रहेको ‘नाच्ने हो छमछमी’ गीतको म्युजिक भिडियो सार्वजनिक भएको छ ।
उक्त गीत बुधबार आर सी सापकोटाको युटुब च्यानल मार्फत सार्वजनिक गरिएको हो । पराजुलीको गीतमा गायिका सरु गौतम र गायक आर सी सापकोटाले स्वर दिएका छन्। उक्त गीतमा भीम बिसीको सङ्गीत रहेको छ ।
वेभ रेकर्डिङ स्टुडियो अनामनगरले रेकर्डिङ गरेको गीतमा एरेन्ज नरेन्द्र वियोगीले गरेका छन् । गतिको भिडियोमा अहिलेका चर्चित कलाकारहरू मेक्सम खाती, बिना राउत, सोनी महत, कजिश श्रेष्ठ, लगायतका चर्चामा रहेका कलाकारहरूको अभिनय रहेको छ ।
उपमेयर पराजुली गीतकार तथा कवियत्री समेत हुन् ।
