काँकरभिट्टा, २४ भदौ | ‘अबको केही घण्टापछि मेरो काँधमा यो दुईवटा ताराको दज्र्यानी चिन्हसहित यो प्रहरी पोशाक खोलेर म सामान्य नागरिक झै जीवन विताउने छु , तर हिजो जसरी यो बर्दी र बर्दीमाथिको दज्र्यानी चिन्ह लगाएर देश र जनताको सेवामा खटे वा राज्यले आफूलाई दिइएको जिम्मेवारी पुरा गरे । आज विना वर्दीकै नागरिक भएपनि देश र जनताप्रतिको आफ्नो कर्तव्य कहिल्यै भुल्ने छैन् ।’
अस्थायी ट्राफिक प्रहरी पोस्ट काँकरभिट्टाबाट सेवा निवृत्त हुनुभएका ट्राफिक प्रहरी नायव निरीक्षक कालीदास रेग्मीले यसो भनिरहदा सहभागी सवैले कर्कल तालीको ध्वनीले उनको भनाईको समर्थन गरे । यसपछि उनको गला अवरुद्घ बन्यो । फेरी भने—‘तपाईहरुलाई कहि कतै कुनै सुरक्षा र ट्राफिक व्यवस्थापनदेखि सवारी दुर्घटना न्यूनिकरणमा समस्या परे मेरो निजी नम्बरमा सम्पर्क गर्नुहोला त सहयोगका लागि तत्कालकालागि आउने छु र सहयोग गर्नेछु ।’१९ वर्षको उमेरबाट नेपाल प्रहरीमा जागीर शुरु गरेका रेग्मी ३० वर्षे सेवाबाट निवृत्त भएका हुन ् ।
बुधबार मेचीनगरबाट रेग्मीको भव्य विदाई नव आगन्तुक ट्राफिक प्रहरी नायव निरीक्षक कृष्ण प्रधानलाई स्वागत गरिएको छ । एकता टोल विकास संस्था मेचीनगर—६ काँकरभिट्टाले आयोजना गरेको विदाई तथा स्वागत कार्यक्रममा सेवा निवृत्त ट्राफिक प्रहरी नायव निरीक्षक रेग्मी जति जति बोल्दै जान्थे उति उति गडगडावट तालीले उनको समर्थन हुन्थ्यो ।
२०४७ साल भदौ २४ गतेबाट प्रहरी सेवामा प्रवेश गरेकासेवा निवृत्त ट्राफिक प्रहरी नायव निरीक्षक कालीदास रेग्मीले २०७५ साल चैत २७ गतेबाट अस्थायी ट्राफिक प्रहरी पोस्ट काँकरभिट्टाको कमाण्ड सम्हालेका थिए । पोष्टको नेतृत्व गरिरहेका वखत ट्राफिक व्यवस्थान चुस्तदुरुस्त, सवारी दुघर्टना न्यूनिकरण सवारी नियम उल्लंघन गर्ने सवारी साधनको संख्यामा कमि ल्याउन महत्वपुर्ण चेतनामुलक कार्यक्रम गरेको भन्दैं रेग्मीको वक्ताहरुले प्रशंसा गरेका थिए । आफ्नो जिम्मेवारीलाई गहन ढंगबाट सम्पादन गरेको भन्दै उनलाई पुरस्कृत र सम्मानित गरिएको संस्थाले जनाएको छ । सहभागी वक्ताहरुले नव आगन्तुक ट्राफिक प्रहरी नायव निरीक्षक कृष्ण प्रधानलाई स्वागत गदैं रेग्मीले गदैं गरेका अधुरा कार्यलाई पुरा गर्ने कुरामा आफुहरु ढुक्क रहेको विश्वास व्यक्त गरेका थिए । टोल विकास संस्था र सम्पूर्ण मेचीनगरवासीकातर्फबाट खादा अविर टिकासहित मायाको चिनो र सम्मान पत्र प्रदान गरिएको थियो ।
संस्थाका अध्यक्ष सचित तामाङको सभापतित्व र मेचीनगर नगरपालिकाका ६ नम्बर वडाका वडाध्यक्ष ललितबहादुर तामाङको प्रमुख आतिथ्यतामा सम्पन्न कार्यक्रममा विभिन्न संघ संस्थाले संयुक्तरुपमा रेग्मीलाई मायाको चिनो र सम्मान पत्र प्रदान गरेका थिए ।
रेग्मीले काँकरभिट्टा बसपार्क व्यवस्थापन तथा स्थानीयवसाीहरुसँग मिलेर नगरका विभिन्न ठाउँको सरसफाई समेत गरी नगरलाई हराभरा बनाउन महत्वपुर्ण योगदान गरेको भन्दैं प्रमुख अतिथि मेचीनगर नगरपालिकाका ६ नम्बर वडाका वडाध्यक्ष तामाङले उनी जहाँ गएपनि उहाँको योगदान मेचीनगरवासीले सधै समरण गरिरहने बताए ।सेवा निवृत्त ट्राफिक प्रहरी नायव निरीक्षक रेग्मीले आफु नेपाल प्रहरीको सेवाबाट रिटायर्ड भएपनि मेचीनगरवासीले आफुप्रति देखाएको सहयोग सदभाव र स्नेह कहिल्यै नविर्सने बताए ।
सवारी दुर्घटनालाई न्यूनिकरण गर्न ‘नो हेल्मेट, नो पेट्रोल’ अभियान काँकरभिट्टाक्षेत्रबाट शुरु गरेका रेग्मीले अन्यक्षेत्रमा समेत निक्कै उपलब्धि काम गरेको वडाध्यक्ष तामाङले बताए । मेचीनगर क्षेत्रकोे फुटपाथ व्यवस्थापन, टेम्पो तथा रिक्साको व्यवस्थापन, सरसफाई तथा रक्तदानका साथै सामाजिक काममा समेत ट्राफिक प्रहरीलाई अग्रसर गराउन नेतृत्वदायी भूमिका निर्वाह गर्न रेग्मीको जति प्रशंसा गरे पनि कम हुने संस्थाका अध्यक्ष सजित तामाङले बताए । कार्यक्रममा नव आगन्तुक ट्राफिक प्रहरी नायव निरीक्षक कृष्ण प्रधानले आफु सधै नगरवासीको साथ सहयोग लिएर अघि बढ्ने बताए । उनले रेग्मीले आफ्ना कार्यकालमा गर्न बाकी रहेका सधै अधूरा कामलाई पुरा गर्ने प्रतिवद्घता व्यक्त गरेका थिए । उनी १ नम्बर प्रदेश ट्राफिक प्रहरी कार्यालय इटहरीबाट आएका हुन् ।
