२ चैत्र, काठमाडौँ : नेपाल टेलिकमले होली पर्वका अवसरमा अनलिमिटेड डाटासहितको अफर ल्याएको छ।
यो अफर चैत ३ गतेदेखि चैत १७ गतेसम्म उपलब्ध हुने टेलिकमले प्रेस विज्ञप्ति जारी गर्दै जनाएको छ। यो अफर अन्तर्गत ६९ रुपैयाँमा एक एमबिपिएस अनलिमिटेड डाटा २४ घण्टा, ९८ रुपैयाँमा ६ जीबी डाटा ३ दिन र २ सय ९४ रुपैयाँमा २० जीबी डाटा १० दिनका लागि उपलब्ध हुनेछ ।
*१४१५*११# डायल गरी वा ‘नेपाल टेलिकम एप’ प्रयोग गरी यो सुविधा खरिद गर्न सकिन्छ ।
नेपालीहरुको महत्वपूर्ण पर्वहरू फागु पूर्णिमा र चैते दशैँलाई समेत दृष्टिगत गरी ल्याइएको भन्दै यस अफरको अवधि १५ दिनसम्म कायम रहने टेलिकमले उल्लेख गरेको छ ।
