३ चैत, काठमाडौँ : काठमाडौंको चोभार सुख्खा बन्दरगाह सञ्चालनका लागि सरकारले मालबाहक कन्टेनर भित्रिने प्रक्रिया टुंगो लगाएको छ ।
बिहीबार राजपत्रमा सूचना प्रकाशित गर्दै अर्थ मन्त्रालयले चोभार सुख्खा बन्दरगाहका लागि आन्तरिक परिवहनको सुविधा दिने जनाएको हो ।
यस्तो सुविधा अन्तर्गत अब भारततर्फ सीमा जोडिएका पाँच प्रमुख नाकाबाट भित्रिने मालवस्तुको भन्सार जाँचपास काठमाडौं ल्याएरै गर्न सकिने छ ।
ती भन्सार नाकाहरुबाट भित्रिने मालबाहक सवारी साधनहरुलाई पल्टी गरेर वा आएकै साधनमा जीपीएस ट्र्याकिङ गरेर ७२ घण्टा भित्रै काठमाडौं सुख्खा बन्दरगाह आइपुग्नु पर्ने मन्त्रालयको सूचनामा भनिएको छ ।
जीपीएस ताला र यसको ट्रयाकिङको सम्पूर्ण कार्य सुख्खा बन्दरगाह भन्सार कार्यालय चोभारलाई दिइएको छ । सीमा क्षेत्रको नाकाबाट भित्री भागमा रहेको पहिलो चोभार बन्दगाह गत साउनमा निर्माण सम्पन्न भएको थियो । सो बन्दरगाह सञ्चालनका लागि गत महिना सरकारले चोभार क्षेत्रलाई भन्सार क्षेत्र घोषणा गरेको थियो ।
हेर्नुहोस् मन्त्रालयको सूचनाः
