ट्राभल एण्ड टुर्स व्यवसायीहरुको संस्था नेपाल एशोशियसन अफ टुर्स एण्ड ट्राभल एजेन्ट्स (नाटटा) को आगामी चैत्र १७ गते हुने निर्वाचनका लागी वर्तमान कार्यसमितिका बरिष्ठ उपाध्यक्ष विनय बस्नेत र वर्तमान कार्यसमितिका उपाध्यक्ष रमेश थापा प्यानल सहित प्रतिस्पर्धामा छन । आगामी चैत्र १७ गते हुने नाट्टाको ५५ औ वार्षिक साधरणसभा र निर्वाचनले आगामी दुई वर्षका लागी नेतृत्व चयन गर्नेछ ।
अध्यक्ष पदका उम्मेदवार विनय बस्नेत समुहको वरिष्ठ उपाध्यक्षमा सुधीर कुमार उपाध्याय, उपाध्यक्षमा सुनील शर्मा, महासचिवमा जिस्वा तुलाधर श्रेष्ठ, सचिवमा प्रज्ञा शर्मा, कोषाध्यक्षमा सुदर्शन नेपाल र सह–कोषाध्यक्षमा गीता ढकाल रहेका छन । त्यस्तै सद्स्य पदका उम्मेद्वारहरुमा बिष्णु पाण्डे,सन्तोष गुरुङ, सुदर्शन पौडेल, सुमन श्रेष्ठ,चुडा बहादुर जिम्वा, साधुराम थापा ( सुरज), दिनेश मैनाली र राज कुमार पाठक रहेका छन ।
त्यस्तै अध्यक्ष पदका उम्मेद्वार रमेश थापा समुहको वरिष्ठ उपाध्यक्षमा प्रमोद दाहाल, उपाध्यक्षमा बरुण मेहता, महासचिवमा कुमारमणि थपलिया, सचिवमा युविका भण्डारी, कोषाध्यक्षमा राजकुमार देवकोटा र सह–कोषाध्यक्षमा राजा शाक्य रहेका छन । त्यस्तै सदस्य पदका उम्मेद्वारहरुमा ढकनाथ काफ्ले, नमराज भेटुवाल, परशुराम घिमिरे, राम शोभित नायक, डेन्डी शेर्पा, महेश कोईराला (दीपक), श्रद्धा जोशी र सवला भण्डारी रहेका छन ।
