मेचीनगर वडा नम्बर १० मा नारायण खनालकाे प्यानल विजयी

९ जेठ, मेचीनगर : मेचीनगर वडा नं. १० मा काँग्रेसको किल्ला भत्काएर नेकपा एमालेका नारायण खनाल वडा अध्यक्षमा विजयी हुनु भएको छ । केही बेर अघि सम्पन्न मतगणनामा खनाल काँग्रेसका इन्द्र सुब्बालाई पराजित गर्दै वडा अध्यक्षमा आफ्नो प्यानल सहित विजयी हुुनुभएको हो ।

धुलाबारी क्षेत्र रहेको मेचीनगर १० मा यस अघि कहिले पनि काँग्रेस बाहेकका दलहरुले निर्वाचन जितेका थिएनन । त्यसैले पनि अन्य दलले समेत वडा नं. १० लाई काँग्रेसको

वडा नम्बर १० का नवनिर्वाचित अध्यक्ष खनाल

किल्ला भन्ने गरेका थिए । तर यस पालि एमालेबाट लोकप्रिय युवा व्यक्तित्व नारायण खनाललाई वडा अध्यक्षको टिकट दिए पछि काँग्रेसको एतिहासिक किल्ला भत्काएरै भए पनि वडा नंं.१० मा विजयी झण्डा फहराउनु भएको हो । मेचीनगर १० मा वडा अध्यक्ष सहित प्यानल नै एमालेका उम्मेद्वारहरु विजयी हुुनु भएको छ ।