४ जेठ, भरतपुर : भरतपुर महानगरपालिकाको मेयर पदमा सत्ता गठबन्धनबाट उम्मेदवार बनेकी माओवादी केन्द्रकी नेतृ रेणु दाहालले मतान्तर बढाएकी छिन् ।
पछिल्लो अपडेट अनुसार रेणुले २३३८ मतको अग्रता बनाएकी हुन् । दाहालले १२२१२ मत पाउँदा पछिपछि रहेका एमालेका उम्मेदवार विजय सुवेदीले ९८७४ मत पाएका छन् ।
यस्तै स्वतन्त्र उम्मेदवार जगन्नाथ पौडेलले ५३३२ मत पाएका छन्। यसैगरी उपमेयरमा कांग्रेसका चित्रसेन अधिकारीले १४४५३ मत पाएका छन् । यस्तै राप्रपाकी हिमला गुरुङले ८००६ मत पाएकी छन् ।
