३ चैत, काठमाडौं : जेठको अन्तिम हप्ता एसियन कप क्वालिफायर खेल्ने नेपालले त्यसकै तयारी स्वरुप थाइल्याण्डसँग मैत्रीपूर्ण खेल खेल्दै छ ।
चैत १० गते थाइल्याण्डमा हुने मैत्रीपूर्ण खेलको तयारीमा रहेको राष्ट्रिय फुटबल टिमका प्रशिक्षक अब्दुल्लाह अलमुताइरीले एसियन कप क्वालिफायरको तयारीबारे पत्रकारसँग खुलेरै कुराकानी गरे ।
अलमुताइरीले कुवेतविरुद्ध खेल्दा आफू भावानात्मक हुने गरेको उनले बताए । ‘कुवेतविरुद्धको खेल मेरा लागि भावनात्मक हुनेछ’, कुवेती नागरिक उनले भने, ‘त्यो खेलमा दुवै देशको राष्ट्रिय गान गाउँछु ।’
उनले नेपाली समर्थकले आफूलाई धेरै माया गरेको भन्दै कुनै खेलमा आफूले राम्रो गर्न नसक्दा त्यो गुमाउनुपर्छ कि भन्ने चिन्ता भने लिएका छन् । नेपालीहरुको मायाले आफ्नो खराब समयमा पनि खुशी दिएको उनले बताए ।
