१७ भदौ, काठमाडौं : भारतविरुद्धको मैत्रीपूर्ण खेलमा नेपालले अग्रता लिएको छ । दशरथ रंगशालामा भइरहेको खेलको ३६ औं मिनेटमा नेपालका लागि अञ्जन विष्टले गोल गरे । साफ च्याम्पियनसिपको तयारीमा रहेको नेपाल र भारतले मैत्रीपूर्ण खेल खेलेको हो ।
बिहीबारको खेलमा सुरुवाती २० मिनेट रक्षात्मक प्रदर्शन गरेको नेपालले त्यसपछि आक्रमण बढाएको थियो ।
कोरोना भाइरसको महामारीका कारण लामो समयसम्म खेल गतिविधि हुन नसकेका बेला नेपाल र भारतले मैत्रीपूर्ण खेल खेलेका हुन् ।
