📌 मुख्य बुँदाहरू:
- मुख छाडेको आरोपमा पक्राउ परेका स्ट्रिमर मनिष पाण्डे (झापालिस) ले प्रधानमन्त्री बालेन्द्र शाहलाई मेसेज पठाएका छन्।
- रैपर भिटेन पक्राउ पर्दाको पुरानो अभिव्यक्ति स्मरण गराउँदै उनले यसरी पक्राउ गर्नु गलत भएको बताएका छन्।
- असोज २६ गते राति पक्राउ परेका पाण्डेलाई प्रहरीले सामाजिक सञ्जालमा अपशब्द नबोल्न चेतावनी दिँदै छाडिएको थियो।
- पाण्डेले युट्युबमा चार लाख ६३ हजारभन्दा बढी सब्स्क्राइबर्ससहित लाइभ स्ट्रिमिङ गर्दै आएका छन्।
अपशब्द बोलेको आरोपमा प्रहरीले पक्राउ गरेपछि स्ट्रिमर मनिष पाण्डे (झापालिस) ले प्रधानमन्त्री बालेन्द्र शाहलाई सामाजिक सञ्जालमार्फत प्रत्यक्ष सन्देश पठाएका छन्। र्यापर समेत रहेका पाण्डेले यसअघि अन्य कलाकार पक्राउ पर्दा प्रधानमन्त्रीले राखेका धारणा सम्झाउँदै कारबाहीप्रति आपत्ति जनाएका हुन्।
पाण्डेले प्रधानमन्त्री शाहलाई पठाएको सन्देशको स्क्रिनसट आफ्नो इन्स्टाग्राम स्टोरीमा सार्वजनिक गरेका छन्। सन्देशमा उनले मुख छाडेकै भरमा प्रहरी लगाएर पक्राउ गर्नु अनुचित भएको उल्लेख गरेका छन्।
