उदयपुर । उदयपुर चौदण्डीगढी नगरपालिका–७ बेल्टारस्थित द्वार खोलाको बाढीमा बगेर शनिबार एक वृद्धको मृत्यु भएको छ ।
खोला तर्ने क्रममा बगेर चौदण्डीगढी नगरपालिका–७ बेल्टारका ६५ वर्षीय गुमशेर राईको मृत्यु भएको हो ।
दुई दिनयताको अविरल वर्षासँगै द्वार खोलामा बाढी आएको छ । बाढी आएकै समयमा खोला तर्ने क्रममा मृतक राई बगेर बेपत्ता भएका थिए ।
बेपत्ता राईलाई प्रहरी टोलीले खोजी गर्दा घटनास्थलबाट दुई सय मिटर तल मृत अवस्थामा फेला पारेको प्रहरीले जनाएको छ ।
राईको शवको कानुनी प्रक्रिया पूरा गरी पोस्टमार्टमको लागि बेल्टार स्वास्थ चौकी पठाइएको छ ।
