चितवनका किसानद्वारा दुधको मूल्य बढाउन माग, कच्चा दुध प्रतिलिटर ७५ पुर्‍याउनुपर्ने

दाना र चोकरको मूल्य अकासिएसँगै लागत बढेको भन्दै चितवन जिल्ला दुग्ध उत्पादक सहकारी सङ्घले मूल्य वृद्धिको माग गरेको छ।

A notice in Nepali from Mechinagar Ward No. 10
चितवनमा दुध उत्पादन गर्दै गरेका किसानहरू

📌 मुख्य बुँदाहरू:

  • चितवन जिल्ला दुग्ध उत्पादक सहकारी सङ्घले कच्चा दुधको मूल्य प्रतिलिटर ७५ रुपैयाँ पुर्‍याउनुपर्ने माग गरेको छ।
  • हाल किसानले प्रतिलिटर ६५ रुपैयाँ पाउँदै आएका छन् भने विसं २०७९ यता दुधको मूल्य बढेको छैन।
  • चितवनमा दैनिक ३ लाख ५५ हजार लिटर दुध उत्पादन हुने गरेकोमा ५५ प्रतिशत बाहिरी जिल्लामा खपत हुन्छ।

दाना र चोकरको मूल्य वृद्धि भएसँगै बढेको लागतका कारण चितवनका किसानले कच्चा दुधको मूल्य प्रतिलिटर ७५ रुपैयाँ पुर्‍याउन माग गरेका छन्। चितवन जिल्ला दुग्ध उत्पादक सहकारी सङ्घले सोमबार पत्रकार सम्मेलनको आयोजना गर्दै विसं २०७९ यता दुधको मूल्य समायोजन नभएकाले हालको बजार भाउ अनुसार मूल्य बढाउनुपर्ने बताएको हो।

सङ्घका अध्यक्ष किशोर वगालेका अनुसार हाल दुग्ध उत्पादक किसानले चार फ्याट र आठ एसएनएफ भएको दुधको मूल्य प्रतिलिटर ६५ रुपैयाँ मात्र पाउने गरेका छन्। दाना तथा चोकरको मूल्य अत्यधिक बढेका कारण उत्पादन लागत बढेको तर सोही अनुपातमा मूल्य नपाउँदा किसानहरू मारमा परेको उनको भनाइ छ। सामान्य अवस्थामा दुधको लागत प्रतिलिटर ५५ देखि ६० रुपैयाँसम्म पर्ने गरेको छ।

दशैँ अघिदेखिकै माग सुनुवाइ नभएको गुनासो

किसानहरूले दसैँअघिदेखि नै दुधको मूल्य समायोजनका लागि सरोकारवाला निकायहरूसँग औपचारिक तथा अनौपचारिक भेटघाट गरेर माग राख्दै आएका छन्। तर, पटक-पटक ताकेता गर्दा पनि हालसम्म मूल्य वृद्धि हुन नसकेको सङ्घले जनाएको छ।

चितवनमा दुग्ध उत्पादनको अवस्था

पशुपन्छी पालनको मुख्य हब मानिएको चितवनमा अहिले दैनिक तीन लाख ५५ हजार लिटर दुध उत्पादन हुँदै आएको छ। जिल्लामा सञ्चालित ११५ वटा दुग्ध उत्पादक सहकारीमार्फत दुध सङ्कलन गरी बजारमा पुर्‍याउने गरिएको छ। उत्पादित कुल दुधमध्ये ५५ प्रतिशत चितवन बाहिरका विभिन्न जिल्लाहरूमा खपत हुने गरेको छ।

Leave a Reply

Your email address will not be published. Required fields are marked *

सम्बन्धित अन्य समाचारहरु

– विज्ञापन –

Mechinagar Ad 2 (Sidebar)
Mechinagar Ads 1
Mero Viber

Welcome Back!

Login to your account below

Retrieve your password

Please enter your username or email address to reset your password.