२० पुस, मेचीनगर : झापाको भद्रपुरमा झापा ओैंद्योगिक , व्यपार, कृषि तथा पर्यटन महोत्सव २०८२ हुने भएको छ । महोत्सव सञ्चालनका लागि झापा उद्योग बाणिज्य संघका कार्यवहाक अध्यक्ष राजकुमार राईको संयोजकत्वमा मुल आयोजक तथा अतिथि सत्कार समिति गठन भएको छ । महोत्सवको संरक्षक भद्रपुर नगरपालिका रहेको छ ।
झापा जिल्लाको समग्र आर्थिक तथा सामाजिक उत्थानका लागि उद्योग, व्यापार, शिक्षा, स्वासथ्य, कृषि, पशुपंक्षी र पर्यटन क्षेत्रको प्रवद्र्धनमा टेवा पुरयाउने दिर्घकालिन र आन्तरिक बजार सवलीकरणका लागि व्यवसायिक उत्थान तथा निकासी योग्य वस्तुमा जोड दिने मध्यकालीन लक्ष्यसहित आगामी माघ ७ देखि २१ गतेसम्म भद्रपुर–०८ को मेची रंगशालामा गर्ने तयारी रहेको सोमबार पत्रकार सम्मेलनमार्फत जानकारी गराईयो ।
आयोजक झापा उद्योग वाणिज्य संघ जिल्ला समिति झापाले भद्रपुरमा पत्रकार सम्मेलनको आयोजना गरी महोत्सवमा कम्तिमा १० करोड रुपैयाँ बराबरको करोवार तथा एक लाख बढी अवलोकनकर्ताले महोत्सव अवलोकन गर्ने तत्काली लक्ष्यका साथ महोत्सव सञ्चालन गर्न लागेको आयोजक संस्थाका कार्यवहाक अध्यक्ष राजकुमार राईले बताए ।
युवाहरुको विदेश पलायनलाईनिरुत्साहित गदैं उद्योग व्यपार क्षेत्रमा लाग्न प्रेरित गर्दै रोजगारको सिर्जना गर्ने, विभिन्न वस्तु तथा सेवाहरुको एउटै स्थलमा प्रदर्शनी गरी उपभोक्ताहरुसँग प्रत्यक्ष अन्तरक्रिया गर्ने, निकासीयोग्य वस्तुको पहिचान एवम् बजार प्रवद्र्धनमा सहयोग पुर्याउने बैदेशिक लगानीका सम्भावना पहिचान गरीत्यसका लागि आवश्यक वाताबरण निर्माणगर्ने पनि उद्धेश्य महोत्सवको रहेको छ । नेपाली संस्कृतिको विकासमा यो महोत्सवले निक्कै सहयोग पुर्याउने अपेक्षा गरिएको छ ।
समृद्धि आधार, आर्थिक विकासः कृषि पर्यटन उद्योग र व्यापार भन्ने मुल श्लोग्नका साथ आयोजना हुन लागेको महोत्सवमा लक्ष्य पूरा गर्न घरेलु, कृषि, पर्यटन तथा अन्तरास्ट्रिय वस्तु तथा सेवाहरूको प्रवद्र्धनका लागि एकसय सय भन्दा विभिन्न स्टल रहने पत्रकार सम्मेलनमा बताईयो ।
आयोजक संस्थाका कार्यवहाक अध्यक्ष राईको अध्यक्षता भएको पत्रकार सम्मेलनमा यो महोत्सवले केही बर्षयता झापा जिल्लाका उद्योग – व्यवसाय क्षेत्रमा देखिएको आर्थिक मन्दी एवम् उद्योगी व्यवसायीहरूमा व्याप्त निराशालाई चिर्दै जिल्लाको अर्थतन्त्रलाई चलायमान गराउने उद्धेश्यले झापा ओैंद्योगिक , व्यापार, कृषि तथा पर्यटन महोत्सव आयोजना गर्न लागिएको अध्यक्ष राईले जानकारी दिए ।
यसले जिल्लाको उद्योग– व्यवसाय चलायमान गराउने मात्र नभएर झापाको कृषि, पर्यटन र यसक्षेत्रका आदिवासी जनजाति तथा अल्पसंख्यकहरूको संस्कृति, कला प्रवद्र्धन गर्ने विश्वास व्यक्त गरिएको छ । कार्यवहाक राईले हजारौंले अवलोकन गर्ने महोत्सवमा करोडौँको कारोवार हुने अपेक्षा गरे ।
दिपेश ढकाल, नितेश वर्मा,महावीर मित्रुका, सागर घिमिरे, अम्बिका पोख्रेललगायतका दर्जनौं उद्योगी व्यवसायीहरुबीच सम्पन्न पत्रकार सम्मेलनमा ओैंद्योगिक महोत्सव २०८२ ले वर्तमान विषम परिस्थितिलाई चिर्दैं उद्योगी तथा व्यवसायीहरूलाई आफ्ना उत्पादनहरू, सेवाहरू र व्यापारिक गतिविधि आत्मसात गर्ने प्लेटफम प्रदान गर्ने अपेक्षा गरिएको छ । सन् २०१९ को कोभिड महामारी र हालको आर्थिक मन्दी पछि पुनः आर्थिक क्षेत्रलाई चलायमान बनाई आर्थिक वृद्धि हासील गर्न खोजीरहेका उद्योगी व्यवसायीलाई यो महोत्सवको मञ्चका रूपमा एउटा महत्वपूर्ण कार्यक्रम बन्ने पत्रकार सम्मेलनमा वितरीत प्रेस विज्ञप्तिमा उल्लेख छ ।
झापा जिल्ला तथा अन्य छिमेकी जिल्लाका उद्योग व्यवसाय क्षेत्र, कृषि स्वास्थ्य, शिक्षा तथा पर्यटन, होटललगायतका अन्य व्यवसायीहरुले महोत्सव प्रायोजन तथा स्टलका लागि उत्साहजनक चासो देखाएको, भद्रपुर नगरपािलका वडा नम्बर ८ को सिफारीसमा झापा जिल्ला खेलकुद विकास समितिले महोत्सव स्थलका लागि स्वीकृति प्रदान गरेको कार्यवहाक अध्यक्ष राईले बताए ।
महोत्सव सम्पन्न गर्न विभिन्न नौ वटा उपसमिति गठन भई क्रियाशील भएको अवस्थामा रहेको पत्रकार सम्मेलनमा बताईयो । आदित्य पराजुली संयोजक रहने गरी आर्थिक संकलन तथा व्यवस्थापन समिति, खड्गबहादुर लिम्बु संयोजक रहने गरी मञ्च व्यवस्थापन समिति,पवनकुमार श्रेष्ठको संयोजकत्वमा स्टल व्यवस्थापन समिति, माधव विद्रोहीको संयोजकत्वमा प्रचार प्रसार समिति,रोहित काफ्लेको संयोजकत्वमा उपहार तथा प्रकासन समिति,अम्बिका पोख्रेलको संयोजकत्वमा सुरक्षा तथा स्वयम् सेवक समिति, अनिता कार्कीको संयोजकत्वमा स्वागत तथा सत्कार समिति, राजेन्द्रकुमार घिमिरेको संयोजकत्वमा अनुगमन समिति निर्माण गरिएको पत्रकार सम्मेलनमा बताईयो ।
पत्रकार सम्मेलनमा भद्रपुर नगरपालिका उपप्रमुख राधा कार्कीले यो महोत्सवको भद्रपुर नगरपालिकाले अपनत्व लिने बताईन् । पत्रकार सम्मेलनमा पत्रकारहरूले राखेको जिज्ञाशामा महोत्सव आर्थिक संकलन तथा व्यवस्थापन समिति संयोजक आदित्य पराजुली,उद्योगी दिपेश ढकाल, नितेश बर्मा, भद्रपुर नगरपालिका वडा नम्बर ८ का वडाध्यक्ष मनोज सुब्बाले जवाफ दिएका थिए । पत्रकार सम्मेलनको सहजीकरण संस्थाका महासचिव सुमन मैनालीले गरेका थिए ।
