काँकरभिट्टा | नेपाल पर्यटन वोर्डले अब प्रत्येक प्रदेशमा कार्यालय सञ्चालनमा ल्याउने भएको छ । हाल वागमती र गण्डकी दुईवटा प्रदेशमा मात्र वोर्डको प्रादेशिक कार्यालय रहेको छ । कार्यालय स्थापनाका लागि स्थलगत अवलोकन सम्भाव्यता अध्ययनका लागि निरीक्षण गर्न देश दौडहामा निस्कनु भएका वोर्डका प्रमुख कार्यकारी अधिकृत डाक्टर धनञ्जय रेग्मीले विहीबार झापाको मेचीनगरमा सरोकारवालाहरुसँगको अन्तरक्रियामा यस्तो खुलासा गर्नुभएको हो ।
काँकरभिट्टास्थित पर्यटन कार्यालयमा आयोजित अन्तरक्रियामा बोल्दैं डाक्टर रेग्मीले पर्यटनकाक्षेत्रमा धेरै खालका समस्या र गुनासाहरु रहेकाले आफै प्रत्यक्षरुपमा गएर हरेक समस्या र गुनसालाई नजीकबाट नबुझेसम्म समाधनका उपाय निकाल्न गाहे हुने भएकाले यो देश दौडहा अभियान शुरु गरेको प्रष्ट पार्नुभयो । पर्यटनकाक्षेत्रमा सरोकार राख्ने तथा करोडौ रुपैयाँ लगानी गर्ने निजीक्षेत्रका व्यवसायीहरुसँग यसभित्रका समस्या पहिल्याएर समाधानका उपाय खोज्न मेचीदेखि महाकालीसम्म हरेक पर्यटन व्यवसायीहरुसँग अन्तरक्रिया र छलफल गर्ने योजनासहित पश्चिमबाट शुरु भएको अभियानका क्रममा विहीबार नेपालको सुदुरपूर्व झापाको मेचीनगर आइपुगेको उहाँको भनाई थियो ।
पर्यटनक्षेत्रमा तराईलाई विशेषगरी सीमासँग जोडिएका क्षेत्रमा पर्यटनका समस्या के कस्ता छनु ? त्यसको दीर्घकालिन समाधान के हुन सक्छ ? सम्बन्धितपक्षसँग अन्तरक्रिया र छलफल गर्नु, अब उप्रान्त भइरहेका समस्यालाई कसरी कम गर्न सकिन्छ, सशक्तरुपमा भारतीय पर्यटकलाई लक्षित गरेर नेपालमा धेरै भन्दा धेरै पर्यटन प्रवद्र्घन गर्न के कस्ता कार्यक्रम सञ्चालन गर्न सकिन्छ ? अनि संघीय , प्रदेश र स्थानीय सरकारसँग सहकार्य समन्वय गरेर बजेटको दुरुपयोग नहुने गरी संयुक्तरुपमा कुनै लक्ष्य लिएर अघि बढ्दै सातवटै प्रदेशमा वोर्डका प्रादेशिक कार्यालय सञ्चालन गर्नु देश दौडहाको मुख्यः उद्घेश्य रहेको उहाँको भनाई थियो ।
कार्यक्रममा सहभागी अधिकाँश पर्यटन व्यवसायीहरुले पर्यटकले अहिलेसम्म भोग्दैं आएको समस्या उहाँ समक्ष राखेका थिए । दक्ष जनशक्ति र व्यवसायिकताको अभाव भएको भन्दैं समय समय तालिम सेमिनार र प्रशिक्षणको व्यवस्था मिलाउन समेत उनीहरुले वोर्डसँग आग्रह गरेका थिए । नेपालका हरेकक्षेत्र पर्यटक मैत्री बन्नु पर्नेमा जोड दिदैं सहभागीहरुले अहिले पर्यटकले लिएर आएका भारतीय नम्बर प्लेटका सवारी साधनको व्यवस्थापनमा समसया भएकाले नाकामै यातायात सम्बन्धि हेर्ने निकाय समेत खडा गर्नुपर्नेमा जोड दिएका थिए । मुख्यः विन्दुबाट सवै प्रक्रिया पुर्याएर उनीहरु सवार भारतीय नम्बर प्लेटका गाडीहरुलाई गन्तव्यसम्म पुग्न दिनुपर्नै सहभागीको भनाई थियो । देशका अन्य नाकालाई हेर्ने दृष्टिकोणभन्दा काँकरभिटटालाई हेर्ने दृष्टिकोण फरक हुनुपर्ने उनीहरुको भनाई थियो ।
कार्यक्रममा नेपाल एशोसिएसन अफ टुर्स एण्ट ट्राभल एजेण्ट् १ नम्बर प्रदेशका अध्यक्ष भुपालराज श्रेष्ठ, कोडिनेटर उदयकुमार श्रेष्ठ, ट्राभल संघ झापाका अध्यक्ष निरबहादुर कार्की , निवर्तमान अध्यक्ष शंकर भट्टराई, कोषाध्यक्ष पेमा तामाङ, होटल व्यवसायी संघ मेचीनगरका सचिव हस्तकुमार तामाङ, ग्रमीण पर्यटन अभियान्त अर्जुनकुमार कार्की, इलाका प्रहरी कार्यालय काँकरभिट्टाका प्रमुख प्रहरी नायव उपरीक्षक राजेन्द्र पोखरेल, पर्यटन प्रहरी शाखा काँकरभिट्टाका प्रमुख प्रहरी नायव निरीक्षक किरण अधिकारी, प्रहरी सहायक निरीक्षक सुमितकुमार साह अध्यगमन कार्यालय काँकरभिट्टाका प्रमुख जनक कोइरालालगायतले आ आफ्नो विचार राख्नुभएको थियो ।
पर्यटन कार्यालय काँकरभिट्टाका प्रमुख वासुदेव ढकालको अध्यक्षतामा भएको कार्यक्रमको सञ्चालन निरोज कट्टेलले र स्वागत नेपाल पर्यटन वोर्ड काँकरभिट्टाका प्रतिनिधि सुष्मिता दाहालले गर्नुभएको थियो ।
