बिर्तामोड,माघ १५ । बिर्तामोड क्षेत्रमा बुधबारबाट ड्रिम्स ग्रुप अफ कम्पनीले टिफिन बक्सको सेवा प्रारम्भ गरेको छ । टिफिन बक्स झापा जिल्लालाई लक्षित गरेर शुरु गरिएको नयाँ प्रयास हो ।
बैँक तथा बित्तीय संस्था, बीमा कम्पनीहरु, विद्यालयका कर्मचारी तथा व्यवसायीलाई लक्षित गरेर न्यूनतम रु ५० रुपैँयामा उपलब्ध गराइने खाजा स्वच्छ स्तरिय हुने संचालकले बताएका छन् । शुरुवाती चरणमा झापाको बिर्तामोडसँगै मेचीनगर, भद्रपुर, कन्काई, अर्जुनधारा र बुद्धशान्ति क्षेत्रमा सेवा उपलब्ध गराईने छ ।
सन् २०१५ बाट झापाको बिर्तामोडमा स्थापना भएको ड्रिम्स ग्रुप अफ कम्पनीले स्थापनाकाल देखि मनोरञ्जनको क्षेत्रमा विभिन्न कार्यक्रमहरु आयोजना गर्दै आएको थियो ।
