२४ कात्तिक, विराटनगर : विराटनगर महानगरपालिकाका प्रमुख भीम पराजुलीले १८ औं पटक छठ पूजाका लागि घरदेखि घाटसम्म दण्डप्रणाम गर्दै यात्रा सुरु गरेका छन् ।
विराटनगर–३ ठूलोमिल चोकमा रहेको शिव पाञ्चायन मन्दिरबाट बुधबार बिहान साढे ११ बजेबाट पराजुलीले सिंघिया घाटसम्म दण्डप्रणाम यात्रा सुरु गरेका हुन् । करिब दुई किलोमिटर लामो यो दुरी पार गर्न उनलाई चार घण्टा लाग्ने अनुमान छ ।
मेयर पराजुलीले कोरोनाबाट विश्व समुदायको मुक्तिका लागि व्रत बसेको बताएका छन् ।
पराजुलीसँगै उनका भतिज प्रमिश पनि दण्डप्रणाम यात्रामा छन् ।
