Sunday, May 9, 2021
- बिज्ञापन -
गृह अन्तर्वार्ता / विचार / समीक्षासिद्धबाबालाई सफाइ दिने अदालत विरुद्ध पुनरावेदन गर्ने तयारी : जिल्ला सरकारी वकिल...

सिद्धबाबालाई सफाइ दिने अदालत विरुद्ध पुनरावेदन गर्ने तयारी : जिल्ला सरकारी वकिल कार्यालय

काठमाडौ । बलात्कार आरोप लागेका सिद्धबाबालाई सफाइ दिने जिल्ला अदालतको निर्णयविरुद्ध जिल्ला सरकारी वकिल कार्यालयले पुनरावेदन गर्ने भएको छ । सुनसरी चतराका सिद्धबाबा भनिने कृष्णदास गिरीलाई अनुयायी बलात्कार आरोपमा यसैसाता जिल्ला अदालत सुनसरीले सफाइ दिएको थियो ।

सरकारी वकिलको कार्यालयले सोमबारको पेसी सार्न माग गर्दै निवेदन दिए पनि आरोपित पक्षको मात्र बयान सुनेर एकतर्फी सुनुवाइकै आधारमा फैसला गरेपछि पुनरावेदन गर्ने तयारी गरेको हो । जिल्ला अदालतले अभियोग दाबी पुष्टि हुने प्रमाण नपुगेको भन्दै सफाइ दिएको थियो । फैसलाको पूर्ण पाठ बढीमा १५ दिनभित्र आइसक्ने अदालतका स्रेस्तेदार नगेन्द्रकेशरी पोखरेलले बताए ।

जिल्ला सरकारी वकिल कार्यालयका न्यायाधिवक्ता गोकुल निरौलाले फैसलाको पूर्ण पाठ आएपछि अध्ययन गरेर पुनरावेदन गर्ने बताए ।

सिद्धबाबाले आफूलाई छाड्नुपर्ने माग राख्दै सर्वोच्च अदालतमा निवेदन दिएपछि महान्यायाधिवक्ता कार्यालयमा पठाएको मुद्दाको मिसिल जिल्ला सरकारी वकिल कार्यालयमा फिर्ता नभएपछि पेसी सार्न माग गरिएको थियो ।

यता जिल्ला अदालतको फैसलाप्रति महान्यायाधिवक्ता कार्यालयले पनि गम्भीर आपत्ति जनाएको छ । महान्यायाधिवक्ता अग्नि खरेलले प्रधानन्यायाधीश चोलेन्द्रशमशेर राणालाई भेटेर आपत्ति जनाएका हुन् । पीडित महिलाले पनि प्रधानन्यायाधीशको सचिवालयमा पुगेर न्यायका लागि याचना गरेकी छन् ।

सम्बन्धित अन्य समाचारहरु

Leave a Reply

- बिज्ञापन -

लोकप्रिय समाचारहरु