८६६३ जना संक्रमणमुक्त, थप ६६५३ जनामा कोरोना संक्रमण

२१ जेठ, काठमाडौँ । २४ घण्टामा देशभर ८ हजार ६६३ जना संक्रमण मुक्त भएका छन् भने ६ हजार ६५३ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या ५ लाख ८१ हजार ५६० पुगेको छ ।

योसँगै कोरोना संक्रमण भइ निको हुनेको संख्या ४ लाख ७६ हजार १३० पुगेको छ । क्वारेन्टाइनमा ७५५ जना छन् ।

स्वास्थ्य तथा जनसंख्या मन्त्रालयले दिएको जानकारी अनुसार देशभर गरी थप १०१ जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या ७ हजार ७३१ पुगेको छ ।