२८ चैत, मेचीनगर : देशमा भइरहेको भ्रष्टाचारको बिरोधमा कैलालीका एक युवाले काँधमा हलो जुवाको प्रतिक बोकेर पश्चिम महाकालीदेखि पुर्व मेचीसम्म शुरु गरेको पैदल यात्रा सोमबार पुरा गरेका छन् ।
कैलालीको गौरीगंगा नगरपालिका वडा नम्बर— ४ खुरखुरीया निवासी देवराज उपाध्यायले चैत्र १ गते महाकालीको गड्डाचौकीबाट शुरु गर्नुभएको पैदल यात्रा सुदूर पूर्वको झापा जिल्लाको मेचीमा आएर समापन गर्नुभएको हो ।
जमानादेखि नेपालमा बिदेशी सहयोग आएको भएपनि नेताहरुले भ्रष्टाचार गरेका कारणले देश बिकास हुन नसकेकाले एमसीसीमा समेत भ्रष्टाचार हुने भन्दै सम्झौता खारेज हुनुपर्ने आफ्नो माग उहाँको छ । यात्राको क्रममा बिभिन्न ठाउँमा स्थानीय, प्रहरी तथा व्यवसायीहरुले सामान्य सहयोग गरेको बताउँदै दैनिक ३५ किलोमिटर यात्रा गरेर २८ दिनका दिन यात्रा समापन भएको उहाँको भनाई छ ।
